Мемлекеттік қызметшілерді даярлау, қайта даярлау және біліктілігін көтеру үшін шет елге жіберу Ережесін бекіту туралы Қазақстан Республикасының Мемлекеттік қызмет істері жөніндегі Агенттігі Төрағасының 2001 жылғы 16 мамырдағы № 02-2-4/81 бұйрығы (күші жойылды)

Мемлекеттік қызметшілерді даярлау, қайта даярлау және біліктілігін
көтеру үшін шет елге жіберу Ережесін бекіту туралы Қазақстан
Республикасының Мемлекеттік қызмет істері жөніндегі
Агенттігі Төрағасының 2001 жылғы 16 мамырдағы № 02-2-4/81 бұйрығы

ҚР Мемлекеттік қызмет істері жөніндегі агенттігі төрағасының 2005.05.02. № 02-01-02/15 бұйрығымен күші жойылды

Қазақстан Республикасының 1999 жылғы 23 шілдедегі "Мемлекеттік қызмет туралы" Заңының 5 бабы 1 тармағының 7) тармақшасына сәйкес БҰЙЫРАМЫН:

1. Мемлекеттік қызметшілерді даярлау, қайта даярлау және біліктілігін көтеру үшін шет елге жіберуге ұсынылып отырған ереже бекітілсін.

2. Осы бұйрықтың орындалуына бақылау жасау Мемлекеттік қызметтерді кадрлық қамтамасыз ету Департаментіне (В.А. Цойға) жүктелсін.

3. Осы бұйрық Қазақстан Республикасы Әділет министрлігінде мемлекеттік тіркеуден өткен күннен бастап күшіне енеді.

Төраға

Бұйрығымен бекітілген

№ 02-2-4/81

Шет елдерде мемлекеттік қызметшiлердi даярлау, қайта даярлау

және біліктiлiгiн көтеруге жiберу

Ережесi

1. Осы Ереже Қазақстан Республикасының 1999 жылғы 23 шiлдедегi "Мемлекеттік қызмет туралы" Заңының 5 бабы тармағының 7) тармақшасына сәйкес жасалынды және шет елдерде мемлекеттік қызметшiлердi даярлау, қайта даярлау және білiктілiгiн көтеруге /бұдан әрi - оқытуға/ жiберудің шарттары мен тәртібін айқындайды.

2. Шет елдерде мемлекеттік қызметшiлердi оқыту былайша жүзеге асырылуы мүмкiн:

1) халықаралық келісімдер негiзiнде;

2) мемлекеттік қызметшiлердi мемлекеттік және әлеуметтiк бағдарламалары ауқымында;

3) шет ел үкiметтерінің, халықаралық ұйымдардың және тағы басқалардың шақыруы бойынша.

3. Мемлекеттік қызметшiлердi шет елдерде оқыту мына қаржы көздерi есебiнен жүзеге асырылады:

1) мемлекеттік бюджет қаржысынан;