Мамандандырылған күзет қызметі басқармасының, дипломатиялық өкілдіктерді және үкіметтік мекемелерді күзету жөніндегі ІІМ полиция полктерінің тылдық қамтамасыз ету бөлінісі (бөлімі, бөлімшесі, тобы) туралы үлгілік ереже (Қазақстан Республикасы Ішкі істер министрінің2014 жылғы 29 шілдедегі № 478 бұйрығына 92-қосымша)

Қазақстан Республикасы

Ішкі істер министрінің

2014 жылғы 29 шілдедегі

№ 478 бұйрығына

92-қосымша

Мамандандырылған күзет қызметі басқармасының, дипломатиялық өкілдіктерді және үкіметтік

мекемелерді күзету жөніндегі ІІМ полиция полктерінің тылдық қамтамасыз ету бөлінісі (бөлімі, бөлімшесі, тобы) туралы

үлгілік ереже

1. Жалпы ережелер

1. Тылдық қамтамасыз ету бөлінісі (бөлімі, бөлімшесі, тобы) (бұдан әрі - бөлініс) Мамандандырылған күзет қызметі басқармасының, дипломатиялық өкілдіктерді және үкіметтік мекемелерді (бұдан әрі - мекеме) күзету жөніндегі ІІМ полиция полктерінің құрылымдық бөлінісі болып табылады, ол Қазақстан Республикасының заңнамасына сәйкес бөліністі материалдық-техникалық және әскери жабдықтауды, шаруашылық және тұрмыстық қамтамасыз етуді ұйымдастыруды жүзеге асырады.

2. Бөлініс өзінің қызметінде Қазақстан Республикасы Конституциясын, Заңдарын, Қазақстан Республикасы Президенті мен Үкіметінің актілерін, Ішкі істер министрлігінің нормативтік-құқықтық актілерін және басқа да құжаттарын, сондай-ақ осы Ережені басшылыққа алады.

3. Бөліністің құрылымы мен штаттық санын Қазақстан Республикасының заңнамасында бекітілген тәртіпте Қазақстан Республикасы Ішкі істер министрі бекітеді.

4. Бөлініс:

1) __________________________________;

2) __________________________________;

3) __________________________________ тұрады.

2. Бөліністің негізгі міндеттері мен функциялары, құқықтары мен міндеттемелері

5. Міндеті: материалдық-техникалық құралдармен қамтамасыз етуді ұйымдастыру.

Функциясы:

1) бөліністі, саптық бөліністерді тиесілік табельдері және қамтамасыз ету нормалары бойынша көзделген материалдық-техникалық ресурстармен, әскери техникамен, қару-жарақпен, оқ-дәрілермен және арнайы құралдармен қамтамасыз етудің негізгі бағыттарын әзірлейді;

2) мекеменің қажеттілігіне арналған өнімдерді мемлекеттік сатып алуды әзірлеуге және қалыптастыруға қатысады;