«Бюджеттік өтінімді жасау және ұсыну ережесін бекіту туралы» Қазақстан Республикасы Экономика және бюджеттік жоспарлау министрінің 2009 жылғы 1 сәуірдегі № 72 бұйрығына толықтырулар мен өзгерістер енгізу туралы» Қазақстан Республикасы Экономика және бюджеттік жоспарлау министрінің 2009 жылғы 22 мамырдағы № 113 Бұйрығы (күші жойылды)

«Бюджеттік өтінімді жасау және ұсыну ережесін бекіту туралы» Қазақстан Республикасы Экономика және бюджеттік жоспарлау министрінің 2009 жылғы 1 сәуірдегі № 72 бұйрығына толықтырулар мен өзгерістер енгізу туралы
Қазақстан Республикасы Экономика және бюджеттік жоспарлау министрінің 2009 жылғы 22 мамырдағы № 113 Бұйрығы

ҚР Қаржы министрінің 2010 жылғы 19 мамырдағы № 233 Бұйрығымен күші жойылды

2008 жылғы 4 желтоқсандағы Қазақстан Республикасы Бюджет кодексінің 67-бабының 13-тармағына сәйкес, БҰЙЫРАМЫН:

1. «Бюджеттік өтінімді жасау және ұсыну ережесін бекіту туралы» Қазақстан Республикасы Экономика және бюджеттік жоспарлау министрінің 2009 жылғы 22 сәуірдегі № 72 (Нормативтік құқықтық кесімдерді мемлекеттік тіркеу тізілімінде 2009 жылғы 28 сәуірдегі № 5650 болып тіркелген) бұйрығына мынадай өзгерістер мен толықтырулар енгізілсін:

Көрсетілген бұйрықпен бекітілген Бюджеттік өтінімді жасау және ұсыну ережесінде:

1-бөлім:

мынадай мазмұндағы 4-1-тармақпен толықтырылсын:

«4-1. Қазақстан Республикасының әлеуметтік-экономикалық дамуының және бюджеттік параметрлерінің болжамы мақұлданғаннан кейін республикалық бюджет бағдарламаларының әкімшілері ағымдағы қаржы жылының 1 мамырына дейін мемлекеттік жоспарлау жөніндегі орталық уәкілетті органға жаңа бюджеттік бағдарламалардың тізбесін және қолданыстағы бюджеттік бағдарламаларды алып тастау жөнінде ұсыныстармен атауларын өзгерту жөніндегі ұсынысты енгізеді.

Мемлекеттік жоспарлау жөніндегі орталық уәкілетті орган Қазақстан Республикасының Бірыңғай бюджеттік сыныптамасы және республикалық бюджеттік бағдарламалар әкімшілерінің ұсыныстары негізінде республикалық бюджеттік бағдарламалар әкімшілері бюджеттік өтінімдерді уақытылы ұсынуы үшін бюджетті жоспарлау бойынша ақпараттық жүйелердің дайындығын қамтамасыз етеді.»;

мынадай мазмұндағы 12-1-тармақпен толықтырылсын:

«12-1. Бюджеттік өтінімдерге Қазақстан Республикасы Бюджет кодексінің 67-бабының 6-тармағының 1)-5) тармақшаларында көзделген құжаттардың тізбесінен басқасы: