«Дәрілік заттарды, медициналық мақсаттағы бұйымдарды және медициналық техниканы жарнамалауға рұқсат беру» мемлекеттік көрсетілетін қызмет регламенті (Қазақстан Республикасы Денсаулық сақтау министрінің 2014 жылғы 26 мамырдағы № 282 бұйрығына 3-қосымша) (күші жойылды)

ҚР Денсаулық сақтау және әлеуметтік даму министрінің 2015 жылғы 29 мамырдағы № 416 бұйрығымен күші жойылды

Қазақстан Республикасы

Денсаулық сақтау министрінің

2014 жылғы 26 мамырдағы

№ 282 бұйрығына

3-қосымша

«Дәрілік заттарды, медициналық мақсаттағы бұйымдарды және медициналық техниканы жарнамалауға рұқсат беру»

мемлекеттік көрсетілетін қызмет регламенті


1. Жалпы ережелер

1. «Дәрілік заттарды, медициналық мақсаттағы бұйымдарды жәнемедициналық техниканы жарнамалауға рұқсат беру» мемлекеттік көрсетілетін қызметін (бұдан әрі - мемлекеттік көрсетілетін қызмет) «Медициналық және фармацевтикалық қызметті бақылау комитетінің Алматы қаласы бойынша департаменті» (бұдан әрі - қызмет беруші) мемлекеттік мекемесі, Алматы қаласы, Мәметова көшесі, 3, интернет-ресурсы: farmco.almaty@gmail.com. мекенжайы бойынша көрсетеді.

Мемлекеттік қызмет көрсетуге өтініштер қабылдау және нәтижелерін беру:

1) Қазақстан Республикасы Көлік және коммуникация министрлігі Мемлекеттік көрсетілетін қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚО) www.elicense.kz  «Е-лицензиялау» веб-порталы (бұдан әрі - портал);

2) www.egov.kz «электрондық үкімет» веб-порталы арқылы жүзеге асырылады.

2. Мемлекеттік қызмет көрсетудің нысаны электрондық (ішінара автоматтандырылған) және (немесе) қағаз нұсқада.

3. Мемлекеттік қызметті көрсету нәтижесі Қазақстан Республикасы аумағында жарнамалауға рұқсат берілетін мерзімі көрсетіле отырып, өкілетті лауазымдық тұлғаның электрондық цифрлық қолымен (бұдан ары - ЭЦҚ) расталған электронды құжат немесе мемлекеттік қызмет көрсетуден бас тарту туралы уәжделген жауап нысанында бекітілген жарнамалық өнімнің (модуль, мақала, бейне-, аудиожазба) қосымшасымен, дәрілік заттарды, медициналық мақсаттағы бұйымдар мен медициналық техниканы жарнамалауға рұқсат беру болып табылады.