(БҰРЫНҒЫ РЕДАКЦИЯ) «ҚАУІПТІ ӨНДІРІСТІК ОБЪЕКТІЛЕРДІ САЛУҒА, КЕҢЕЙТУГЕ, ...

Осы редакция 2019 жылғы 7 наурызда енгізілген өзгерістеріне дейін қолданылды

Қазақстан Республикасы

Инвестициялар және даму

министрі міндетін

атқарушысының

2015 жылғы 28 мамырдағы

№ 640 бұйрығына 6-қосымша

«Қауіпті өндірістік объектілерді салуға, кеңейтуге, реконструкциялауға, жаңғыртуға,

консервациялауға және жоюға арналған жобалау құжаттамасын келісу»

мемлекеттік көрсетілетін қызмет регламенті

(2018.02.05. берілген өзгерістермен)

ҚР Инвестициялар және даму министрінің 2018.02.05. № 296 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

ҚР Инвестициялар және даму министрінің 2018.02.05. № 296 бұйрығымен 1-тармақ жаңа редакцияда (бұр.ред.қара)

1. «Қауіпті өндірістік объектілерді салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу» мемлекеттік көрсетілетін қызмет (бұдан әрі - мемлекеттік көрсетілетін қызмет) «Қауіпті өндірістік объектілерді салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу туралы» Қазақстан Республикасы Инвестициялар және даму министрінің 2015 жылғы 28 сәуірдегі № 511 (Қазақстан Республикасының нормативтік-құқықтық актілерді мемлекеттік тіркеу тізілімінде № 11363 тіркелген) бұйрығымен бекітілген мемлекеттік көрсетілетін қызмет стандарты (бұдан әрі - стандарт) негізінде әзірленді және Қазақстан Республикасының Инвестициялар және даму министрлігінің Индустриялық даму және өнеркәсіптік қауіпсіздік комитетімен және Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитетінің Аумақтық департаменттерімен (бұдан әрі - көрсетілетін қызметті беруші) көрсетеді.

Мемлекеттік қызметті көрсету үшін өтініштерді қабылдау «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация) арқылы жүзеге асырылады.