(БҰРЫНҒЫ РЕДАКЦИЯ) МЕХАНИКАЛЫҚ КӨЛІК ҚҰРАЛДАРЫН ЖҮРГІЗУШІЛЕРДІ ДАЯРЛАУ ...

Осы редакция 2018 жылғы 20 сәуірде енгізілген өзгерістеріне дейін қолданылды

Қазақстан Республикасы

Ішкі істер министрінің

2014 жылғы 2 желтоқсандағы

№ 862 бұйрығына 2-қосымша

Механикалық көлік құралдарын жүргізушілерді даярлау

қағидалары

(2017.26.09. берілген өзгерістер мен толықтырулармен)

1. Жалпы ережелер

1. Осы Механикалық көлік құралдарын жүргізушілерді даярлау қағидалары (бұдан әрі — Қағидалар) «Жол жүрісі туралы» 2014 жылғы 17 сәуірдегі Қазақстан Республикасының Заңына сәйкес әзірленді және көлік құралдарын жүргізушілерді даярлау жөніндегі оқу ұйымдарында (бұдан әрі — оқу ұйымдары) механикалық көлік құралдарын жүргізушілерді (бұдан әрі — жүргізушілер) даярлау тәртібін айқындайды.

ҚР Ішкі істер министрінің м.а. 2017.26.09. № 646 бұйрығымен 1-1-тармақпен толықтырылды (2018 ж. 1 қаңтарынан бастап қолданысқа енгізілді)

1-1. Осы Қағидаларда мынадай ұғымдар пайдаланылады:

1) алғашқы көмек - зардап шегушілер білікті медициналық көмек алу мүмкіндігіне дейін адамдардың орындауы үшін қолжетімді көмектің іс-шаралар кешені;

2) контент - оқу материалдарын ақпараттық (мәтіндер, графикалар мультимедиалар және өзге де маңызды толықтыру) толықтыру;

3) тестілеу кешені - интернет-ресурс арқылы қолжетімділігі бар білім беру процесінің барлық деңгейінде білім алушылардың оқу материалын меңгеру дәрежесін анықтауға арналған технология;

4) аралас оқыту - дәстүрлі күндізгі оқыту нысанында және қашықтықтан оқыту технологияларын пайдалана отырып жүргізілетін оқыту технологиясы;

5) тьютор ‒ білім алушыларға зерделенетін пәнді меңгеруге көмектесетін тұлға;

6) қашықтықтан білім беру технологияларын іске асыратын оқу ұйымдарының интернет-ресурсы - білім беру процесінің қатысушылары үшін әкімшілік-академиялық ақпаратты қамтитын интернет-ресурс;

7) «on-line» - нақты уақытта ақпаратпен алмасу;

8) «off-line» - еркін уақыт кеңістігінде ақпаратпен алмасу;

9) силлабус - оқу пәнінің қысқаша сипаттамасын, зерделенетін пәннің негізгі сипаттамасын қамтитын, пән бойынша білім алушыға арналған оқыту бағдарламасы.