(БҰРЫНҒЫ РЕДАКЦИЯ) «КОРПОРАТИВТІК ТАБЫС САЛЫҒЫ БОЙЫНША ДЕКЛАРАЦИЯ (110....

Осы редакция 2022 жылғы 18 қаңтарда енгізілген өзгерістеріне дейін қолданылды

Қазақстан Республикасы

Премьер-Министрінің

бірінші орынбасары - Қазақстан Республикасының

Қаржы Министрінің

2020 жылғы 20 қаңтардағы

№ 39 бұйрығына 10-қосымша

Қазақстан Республикасы

Премьер-Министрінің

бірінші орынбасары -

Қазақстан Республикасының Қаржы Министрінің

2020 жылғы 20 қантардағы

№ 39 бұйрығына 11-қосымша

«Корпоративтік табыс салығы бойынша декларация (110.00-нысан)»

 салық есептілігін жасау қағидалары

(2020.20.12. берілген өзгерістермен)


1-тарау. Жалпы ережелер

1. Осы Корпоративтік табыс салығы бойынша декларация (110.00-нысан) салық есептілігін жасау қағидалары (бұдан әрі - Қағидалар) «Салық және бюджетке төленетін басқа да міндетті төлемдер туралы» Қазақстан Республикасының 2017 жылғы 25 желтоқсанындағы Кодексіне (бұдан әрі - Салық Кодексі) сәйкес әзірленген және корпопативтік табыс салығын (бұдан әрі - КТС) есептеуге арналған КТС бойынша салық есептілігі нысанын (декларация) (бұдан әрі - декларация) жасау тәртібін айқындайды. Декларацияны Салық кодексінің 722-бабы 1-тармағына сәйкес салық режимі белгіленген жер қойнауын пайдалануға арналған келісімшартқа немесе өнімді бөлу туралы келісімшартқа (бұдан әрі - жер қойнауын пайдалануға арналған келісімшарт) сәйкес қызметін жүзеге асыратын жер қойнауын пайдаланушылар және мемлекет атынан алушы жасайды.

2. Декларация декларацияның өзінен (110.00-нысан) және салық міндеттемесінің есептелуі туралы ақпаратты егжей-тегжейлі көрсетуге арналған қосымшалардан (110.01-ден 110.12-ға дейінгі нысандар) тұрады.

3. Декларацияны толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде декларацияның тиісті торкөздері толтырылмайды.

5. Декларацияға қосымшалар декларациядағы жолдар толтырылған кезде міндетті тәртіпте толтырылады.

6. Декларацияға қосымшалар оларда көрсетілуге тиіс деректер болмаған жағдайда толтырылмайды.

7. Декларацияға қосымшаның парағында бар жолдардан көрсеткіштердің саны асып кеткен жағдайда, осындай парағы қосымша толтырылады.