(БҰРЫНҒЫ РЕДАКЦИЯ) ҚР ҰЛТТЫҚ БАНКІ БАСҚАРМАСЫНЫҢ 2001.03.03 № 58 ҚАУЛЫСЫ

Қазақстан Республикасының екiншi деңгейдегi банктерiнде және
банк операцияларының жекелеген түрлерiн жүзеге асыратын ұйымдарда
касса операцияларын жүргiзу ережесін бекіту туралы Қазақстан
Республикасының Ұлттық Банкі Басқармасының 2001 жылғы
3 наурыздағы № 58 қаулысы

Осы редакция 2005 ж. 12 желтоқсандағы енгізілген өзгерістеріне дейін қолданылды

Қазақстан Республикасында касса операцияларын және қолма-қол ақша айналымын ұйымдастыруды жетiлдiру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДI:

1. Қазақстан Республикасының екiншi деңгейдегi банктерiнде және банк операцияларының жекелеген түрлерiн жүзеге асыратын ұйымдарда касса операцияларын жүргiзу ережесi (бұдан әрi - Ереже) бекітілсiн және Қазақстан Республикасының Әдiлет министрлігінде мемлекеттік тiркелген күннен бастап он төрт күн өткеннен кейiн күшiне енгiзiлсiн.

2. Осы қаулы және Ереже бекітілген күннен бастап Қазақстан Республикасының Ұлттық Банкi Басқармасының "Қазақстан Республикасының екiншi деңгейдегi банктерiнде касса операцияларын жүргізу ережесін бекіту туралы" 1999 жылғы 15 қарашадағы № 394 қаулысының және осы қаулымен бекітілген Қазақстан Республикасының екiншi деңгейдегi банктерiнде және банк операцияларының жекелеген түрлерiн жүзеге асыратын ұйымдарда касса операцияларын жүргізу ережесінiң күшi жойылды деп танылсын.

3. Қолма-қол ақшамен жұмыс жүргiзу басқармасы (Мәжитов Д.М.):

1) Заң департаментiмен (Шәрiпов С.Б.) бiрлесiп осы қаулыны және Қазақстан Республикасының екiншi деңгейдегi банктерiнде және банк операцияларының жекелеген түрлерiн жүзеге асыратын ұйымдарда касса операцияларын жүргiзу ережесін Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;

2) Қазақстан Республикасының Әдiлет министрлігінде мемлекеттік тiркеуден өткiзiлген күннен бастап он күндiк мерзiмде осы қаулыны және Ережені Қазақстан Республикасының Ұлттық Банкінің орталық аппаратының мүдделі бөлімшелеріне және аумақтық филиалдарына жіберсін;