«Жалпы таралған пайдалы қазбаларды барлау, өндіруге немесе бірлесіп барлау және өндіруге келісім-шарттарды тіркеу» мемлекеттік қызмет көрсетудің стандарты (Облыс әкімдігінің 2008 жылғы 6 ақпандағы № 24 қаулысымен Бекітілді) (2008.03.12. берілген өзгерістер мен толықтырулармен) (күші жойылды)

Ақтөбе облысының әкімиятының 2010 жылғы 19 наурыздағы № 90 қаулысымен күші жойылды

Облыс әкімдігінің

2008 жылғы 6 ақпандағы

№ 24 қаулысымен

Бекітілді

«Жалпы таралған пайдалы қазбаларды барлау, өндіруге
немесе бірлесіп барлау және өндіруге келісім-шарттарды тіркеу»
мемлекеттік қызмет көрсетудің стандарты

(2008.03.12. берілген өзгерістер мен толықтырулармен)

Ақтөбе облысының әкімиятының 2008.3.12. № 410 қаулысымен бүкіл мәтің бойынша «департамент», «директор» деген сөздер тиісті септіктерде «басқарма», «бастық» деген сөздермен ауыстырылды (алғаш рет ресми жарияланған күнінен бастап (сон күнтізбелік күн өткен соң қолданысқа енгізілді) (бұр.ред.қара)

1. Жалпы ережелер

1. Мемлекеттік қызметтің анықтамасы:

Жалпы таралған пайдалы қазбаларды барлау, өндіруге немесе бірлесіп барлау және өндіруге келісім-шарттарды тіркеу.

2. Көрсетілетін мемлекеттік қызметтің нысаны - ішінара автоматтандырылған.

3. Мемлекеттік қызмет көрсету Қазақстан Республикасының 1996 жылғы 27 қаңтарындағы № 2828 «Жер қойнауы және жер қойнауын пайдалану туралы» Заңының 9 бабының 5 тармағына сәйкес жүргізіледі, уәкілетті органның қызметіне: жалпы таралған пайдалы қазбаларды барлау, өндіруге немесе бірлесіп барлау және өндіруге келісім-шарттарды тіркеу жатады.

4. Осы мемлекеттік қызметті ұсынатын мемлекеттік органның, мемлекеттік мекеменің немесе өзгеде субъектілердің атауы - «Ақтөбе облысының табиғи ресурстар және табиғатты пайдалануды реттеу басқармасі» ММ, Ақтөбе қаласы, Әбілқайыр хан даңғылы 40, 628 кабинет, www.tabigi.akimat.info.

5. Мемлекеттік қызмет көрсету аяқталған бойынша, тұтынушы «Мемлекеттік тіркеу туралы Акті» алады.

6. Мемлекеттік қызмет барлық қазақстандық және шет елдік жеке тұлғалар мен заңды тұлғаларға көрсетіледі.

7. Мемлекеттік қызметті көрсету кезіндегі уақыт бойынша шектеу мерзімдері:

1) мемлекеттік қызметті алу үшін тұтынушы қажетті құжаттарды тапсырған, (тіркелген сәттен, талон алғаннан бастап және т.б.) электрондық сауал берген сәттен бастап мемлекеттік қызмет көрсетудің мерзімдері: 15 күннен аспайды;