| ||||||||||||||||||||
|
|
|
Тегін медициналық көмектің кепілдік берілген көлемін көрсету бойынша медициналық қызметтерді сатып алуды ұйымдастыру және жүргізу ережесін бекіту туралы (2011.30.12. берілген өзгерістер мен толықтырулармен)
ҚР Үкіметінің 2012 жылғы 25 қазандағы № 1358 Қаулысымен күші жойылды
ҚР Үкіметінің 2010.14.12. № 1357 Қаулысымен тақырыбы өзгертілді (бұр.ред.қара)
«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 6-бабына сәйкес Қазақстан Республикасының Үкіметі ҚАУЛЫ ЕТЕДІ: ҚР Үкіметінің 2010.14.12. № 1357 Қаулысымен 1-тармақ өзгертілді (бұр.ред.қара) 1. Қоса беріліп отырған Тегін медициналық көмектің кепілдік берілген көлемін көрсету бойынша медициналық қызметтерді сатып алуды ұйымдастыру және жүргізу ережесі бекітілсін. 2. Осы қаулы қол қойылған күнінен бастап қолданысқа енгізіледі.
ҚР Үкіметінің 2010.14.12. № 1357 Қаулысымен ереже жаңа редакцияда (бұр.ред.қара) Қазақстан Республикасы Үкіметінің 2009 жылғы 19 қарашадағы № 1888 қаулысымен бекітілген
Тегін медициналық көмектің кепілдік берілген көлемін көрсету бойынша медициналық қызметтерді сатып алуды ұйымдастыру мен жүргізу ережесі
ҚР Үкіметінің 2011.30.12. № 1703 Қаулысымен кіріспе жаңа редакцияда (бұр.ред.қара) Осы Тегін медициналық көмектің кепілдік берілген көлемін көрсету бойынша медициналық қызметтерді сатып алуды ұйымдастыру мен жүргізу ережесі (бұдан әрі - Ереже) Қазақстан Республикасының азаматтарына және оралмандарға мемлекеттік мекемелерді, денсаулық сақтау саласындағы уәкілетті орган айқындайтын пилоттық ұйымдарды және жаңадан іске қосылатын денсаулық сақтау объектілерін қоспағанда, медициналық қызметтің тиісті түрлеріне лицензиясы бар медициналық ұйымдарда тегін медициналық көмектің кепілдік берілген көлемін (бұдан әрі - ТМККК) көрсету бойынша медициналық қызметтерді сатып алуды ұйымдастыру мен жүргізу тәртібін айқындайды. Бюджет қаражаты есебінен салынған, пайдалануға берілгеннен кейін ТМККК-ні орналастыруға алғаш рет өтінім берген жаңадан іске қосылатын денсаулық сақтау объектілеріне комиссия ТМККК-ні орналастыруды олар осы Ереженің 7 және 8-тармақтарының талаптарына сәйкес болған және оларға ТМККК орналастыру рәсіміне рұқсат етілген деп таныған жағдайда жүзеге асырады.
1. Осы Ережеде пайдаланылатын негізгі ұғымдар: 1) әлеуетті өнім беруші - ТМККК шеңберінде медициналық қызметтер көрсетуге шарт жасасуға үміткер заңды тұлға (мемлекеттік мекемелерді қоспағанда) немесе кәсіпкерлік қызметті жүзеге асыратын жеке тұлға; 2) Бюджеттік бағдарламаның әкімшісі (бұдан әрі - Әкімші) - Қазақстан Республикасы Денсаулық сақтау министрлігі немесе облыстардың, Астана мен Алматы қалалары денсаулық сақтау басқармалары; 3) денсаулық сақтау саласындағы уәкілетті орган (бұдан әрі - уәкілетті орган) - азаматтардың денсаулығын сақтау, медициналық және фармацевтикалық ғылым, медициналық және фармацевтикалық білім беру, халықтың санитарлық-эпидемиологиялық салауаттылығы, дәрілік заттардың, медициналық мақсаттағы бұйымдар мен медициналық техниканың айналысы, медициналық қызметтер көрсету сапасын бақылау саласындағы басшылықты жүзеге асыратын мемлекеттік орган; 4) комиссия — ТМККК көрсету бойынша медициналық қызметтерді сатып алуды өткізу рәсімдерін орындау және осы Ережеге сәйкес ТМККК кейіннен орналастыру үшін мемлекеттік сатып алуды ұйымдастырушы құратын тұрақты жұмыс істейтін алқалы орган; 5) өнім беруші - ТМККК шеңберінде медициналық қызметтер көрсетуге шарт жасалған үміткер заңды тұлға (мемлекеттік мекемелерді қоспағанда) немесе кәсіпкерлік қызметті жүзеге асыратын жеке тұлға; 6) сатып алуды ұйымдастырушы - Қазақстан Республикасы Денсаулық сақтау министрлігінің Медициналық қызметке ақы төлеу комитетінің аумақтық департаменті (республикалық бюджет қаражатының есебінен) немесе ТМККК көрсету бойынша медициналық қызметтерді сатып алуды ұйымдастыру рәсімін орындайтын (жергілікті бюджет қаражатының есебінен) тиісті облыстардың, Астана мен Алматы қалалары денсаулық сақтау басқармалары; 7) тапсырыс беруші - осы Ережеге, сондай-ақ Қазақстан Республикасының азаматтық заңнамасына сәйкес республикалық бюджет қаражатының есебінен немесе жергілікті бюджет қаражатының есебінен ТМККК көрсету бойынша медициналық қызметтерді сатып алуды жүзеге асыратын Қазақстан Республикасы Денсаулық сақтау министрлігінің Медициналық қызметке ақы төлеу комитетінің аумақтық департаменті немесе тиісті облыстардың, Астана мен Алматы қалалары денсаулық сақтау басқармалары; 8) ТМККК көрсету бойынша медициналық қызметтерді сатып алу әлеуетті өнім берушілерді оларға қойылатын талаптарға сәйкестігіне анықтауға, оларға ақылы негізде ТМККК көрсету шеңберінде медициналық қызметтерге тапсырыс беруді орналастыруға, олар көрсеткен нақты медициналық көмекке ақы төлеуге бағытталған өзара байланысты дәйекті іс-шаралар кешені; 9) ТМККК көрсету бойынша медициналық қызметтерді сатып алуды ұйымдастыру мен жүргізу рәсімі - әлеуетті өнім берушіні анықтау және ТМККК кейіннен орналастыру мақсатында осы Ережеге сәйкес мемлекеттік сатып алуды ұйымдастырушы, ұйымдастыру бөлімінде, тиісті комиссия, ТМККК көрсету бойынша медициналық қызметтерді сатып алуды жүргізу бөлімінде жүзеге асыратын өзара байланысты, дәйекті іс-шаралар кешені; 10) ТМККК көрсету шеңберінде медициналық қызметтерді көрсетуге арналған шарт (бұдан әрі - шарт) - осы Ережеге, сондай-ақ Қазақстан Республикасының азаматтық заңнамасына сәйкес, тапсырыс беруші мен өнім берушінің арасында ТМККК көрсету шеңберінде медициналық қызметтерді көрсетуге жасалған азаматтық-құқықтық шарт. ҚР Үкіметінің 2011.30.12. № 1703 Қаулысымен 2-тармақ жаңа редакцияда (бұр.ред.қара) 2. Әкімші бекіткен міндеттемелер бойынша қаржыландыру жоспарының негізінде тапсырыс беруші мемлекеттік сатып алуды жүзеге асыру ережелерінде айқындалған тәртіппен және нысан бойынша мемлекеттік сатып алудың жылдық жоспарын әзірлейді және бекітеді. Тапсырыс беруші мемлекеттік сатып алудың жылдық жоспарын бекіткен күнінен бастап бес күн ішінде оны Әкімшіге жібереді немесе ұсынады. ҚР Үкіметінің 2011.30.12. № 1703 Қаулысымен 3-тармақ жаңа редакцияда (бұр.ред.қара) 3. Тапсырыс беруші тиісті жылға арналған мемлекеттік сатып алудың бекітілген не нақтыланған жылдық жоспары негізінде ТМККК көрсету бойынша медициналық қызметтерді сатып алуды жүзеге асыру туралы шешімді қабылдайды. ҚР Үкіметінің 2011.30.12. № 1703 Қаулысымен 4-тармақ өзгертілді (бұр.ред.қара) 4. Республикалық бюджет қаражатының есебінен ТМККК көрсету бойынша медициналық қызметтерді сатып алуды Қазақстан Республикасы Денсаулық сақтау министрлігінің Медициналық қызметке ақы төлеу комитетінің аумақтық департаменттері жүзеге асырады. Облыстық бюджеттерге, Астана және Алматы қалаларының бюджеттеріне республикалық бюджеттен берілетін ағымдағы нысаналы трансферттерді қоса алғанда, жергілікті бюджет қаражаты есебінен ТМККК көрсету бойынша медициналық қызметтерді сатып алуды облыстардың, Астана және Алматы қалаларының денсаулық сақтау басқармалары жүзеге асырады. ҚР Үкіметінің 2011.03.10. № 1131 Қаулысымен (бұр.ред.қара); 2011.30.12. № 1703 Қаулысымен (бұр.ред.қара) 5-тармақ өзгертілді 5. Республикалық бюджет қаражатының есебінен медициналық көмектің мынадай: білікті, мамандандырылған, жоғары мамандандырылған түрлері бойынша ТМККК көрсету бойынша медициналық қызметтерді сатып алу жүзеге асырылады, олар мынадай нысандарда көрсетіледі: 1) республикалық маңызы бар медицина ұйымдарының: психикалық, жұқпалы аурулармен және туберкулезбен, алкоголизммен, нашақорлықпен және уытқұмарлықпен ауыратын науқастарға; оңалту орталықтарында, санаторийлерде медициналық қызметтер көрсетуін қоса алғанда, стационарлық көмек пен стационарды алмастыратын көмек; 2) әуе көлігіндегі санитариялық авиация, қалпына келтіру үшін емдеу және медициналық оңалту; 3) республикалық маңызы бар медицина ұйымдарында мамандандырылған және жоғары мамандандырылған амбулаториялық-емханалық көмек. Республикалық бюджет қаражаты есебінен жүзеге асырылатын ТМККК көрсету бойынша медициналық қызметтерді қоспағанда, облыстық бюджеттерге, Астана және Алматы қалаларының бюджеттеріне республикалық бюджеттен берілетін ағымдағы нысаналы трансферттерді қоса алғанда, жергілікті бюджет қаражаты есебінен ТМККК көрсету бойынша медициналық қызметтерді сатып алу жүзеге асырылады. 6. ТМККК көрсету бойынша медициналық қызметтерді сатып алу: 1) ТМККК қол жетімділікті қамтамасыз ету; 2) пациенттің дәрігерді және медициналық ұйымды еркін таңдауын іске асыру; 3) ТМККК үшін бөлінген ақшаны оңтайлы әрі тиімді жұмсау; 4) ТМККК көрсету бойынша медициналық қызметтерді сатып алу үдерісінің жариялылығы мен айқындығы; 5) әлеуетті өнім берушілер арасындағы адал бәсекелестік; 6) ТМККК көрсету бойынша медициналық қызметтерді сатып алуға қатысу үшін әлеуетті өнім берушілерге тең мүмкіндіктер беру; 7) отандық өнім берушілерді қолдау қағидаттары сақтала отырып жүргізіледі; 8) ТМККК көрсету жөніндегі шарттарды жасасуда артықшылықты құқыққа денсаулық сақтаудың аккредиттелген ұйымдарына ерекше құқық беріледі.
2. Медициналық қызметтердің әлеуетті өнім берушісіне қойылатын талаптар
7. ТМККК көрсету бойынша медициналық қызметтерді сатып алуға қатысу үшін әлеуетті өнім беруші мынадай жалпы және арнайы біліктілік талаптарына сәйкес келуі тиіс: 1) құқық қабілеттілігі болуы; 2) төлем қабілетінің болуы, үш айдан асатын мерзімде салық берешегінің, Қазақстан Республикасының міндетті зейнетақы жарнасы мен әлеуметтік аударымдар бойынша берешегінің болмауы; 3) банкроттық рәсіміне не таратуға ұшырамауы; 4) сатып алу туралы шарт бойынша міндеттемелерді орындау үшін материалдық және еңбек ресурстары болуы. ҚР Үкіметінің 2011.30.12. № 1703 Қаулысымен 8-тармақ өзгертілді (бұр.ред.қара) 8. Осы Ереженің 7-тармағының талаптарына сәйкестік расталғанда қатысуға өтінімге мынадай құжаттар қоса ұсынылады: 1) нотариаттық расталған көшірмелері: заңды тұлғаны мемлекеттік тіркеу (қайта тіркеу) туралы куәлік; тиісті мемлекеттік орган берген, заңды тұлға құрмай-ақ кәсіпкерлік қызметті жүзеге асыруға құқығын растайтын құжаттың нотариаттық куәландырылған көшірмесі (жеке тұлға үшін); медициналық қызметтерді көрсетуге құқығын растайтын әлеуетті жабдықтаушылардың лицензиялары және оларға қосымшалары; 2) көшірме: ЖСН, БСН, жеке басының куәлігі немесе паспорттың (жеке тұлғалар үшін); Жарғының нотариаттық куәландырылған көшірмесі (егер Жарғыда құрылтайшылардың, қатысушылардың немесе акционерлердің құрамы көрсетілмеген жағдайда, акцияларды ұстаушылар тізілімінен үзінді көшірме немесе құрылтайшылардың, құрылтайшылардың құрамы туралы үзінді көшірме немесе құрылтай шартының нотариаттық куәландырылған көшірмесі); аккредиттеу туралы куәлік (болған уақытта); заңды тұлғаның бекітілген құрылымы; 3) егер әлеуетті өнім беруші Қазақстан Республикасының резиденті еместігі және тіркеу есебінде салық төлеушісі ретінде тіркелмегендігі (егер әлеуетті өнім беруші Қазақстан Республикасының резиденті болмаса және салық есебінде тіркеуде тұрмаса ұсынылады) туралы Қазақстан Республикасының салық органының анықтамасының түпнұсқасы немесе нотариаттық куәландырылған көшірмесі беріледі; өтінімдерді ұсынған күннің алдындағы бір айдан кешіктірмей берілген, төлем мерзімі Қазақстан Республикасының салық заңнамасына сәйкес ұзартылған жағдайларды қоспағанда, салық төлеушінің Қазақстан Республикасы бойынша салық берешегінің, міндетті зейнетақы жарналары мен әлеуметтік аударымдары бойынша берешегінің жоқтығы (бары) туралы анықтаманың түпнұсқасы, салық органы басшысының не орынбасарының қолымен және аталған салық органы мөрімен куәландырылады; әлеуетті өнім берушіде оны ТМККК көрсету бойынша медициналық қызметтерді ұсынушы деп белгілеген күнінен бастап шарттың талаптарында көзделген төлемақыны алғанға дейін қызметтерді көрсету үшін кепілдік міндеттер мен материалдық ресурстардың бір айлық қоры (дәрілік заттар мен медициналық мақсаттағы бұйымдар, тамақ өнімдері) болуын растайтын құжаттар; медициналық ұйымның денсаулық сақтау саласындағы уәкілетті орган бекіткен ережеге сәйкестігі туралы кепілдік хат; осы Ережеге 1-қосымшаға сәйкес кадрлардың біліктілігі туралы мәліметтер (аккредиттеу туралы куәлік болған жағдайда берілген мәліметтер ұсынылмайды); соңғы үш жылда көрсеткен ТМККК шеңберінде медициналық қызметтердің көлемдері мен түрлері немесе өзге кезеңде (егер ТМККК шеңберінде әлеуетті өнім берушінің медициналық көмек көрсету кезеңі кемінде үш жылды құраса), бейінді төсектердің саны (стационарлық және стационарды алмастыратын көмек көрсететін ұйымдар үшін) диагностика мен емдеудің арнайы әдістерін және күрделі технологияларды талап ететін аурулар болған кезде медициналық қызметтер көрсетуге арналған жабдықтардың бар-жоғы көрсетілген әлеуетті өнім берушінің біліктілігі туралы мәліметтер; сатып алуға қатысуға және әлеуетті өнім берушінің жарғысына сәйкес сенімхатсыз қол қою құқығы бар әлеуетті өнім берішінің бірінші басшысын қоспағанда комиссия отырыстарына қатысуға өтінімдер беруге, қол қоюға әлеуетті өнім берушінің мүддесін білдіретін тұлғаға сенімхат. Қазақстан Республикасының резиденті болып табылатын әлеуетті өнім беруші оның осы Ережеде белгіленген талаптарға сәйкестігін растауда Қазақстан Республикасының резиденті сияқты сол құжаттарды, немесе осы талаптарға сәйкестігі туралы ұқсас мәліметтерді ұсынады.
3. Тегін медициналық көмектің кепілдік берілген көлемін көрсету бойынша медициналық қызметтерді сатып алуды ұйымдастыру және жүргізу тәртібі
ҚР Үкіметінің 2011.03.10. № 1131 Қаулысымен 9-тармақ өзгертілді (бұр.ред.қара) 9. ТМККК көрсету бойынша медициналық қызметтерді сатып алуды ұйымдастыру және жүргізу мынадай реттегі іс-шараларды орындауды көздейді: 1) осы Ережеге 2-қосымшаға сәйкес сатып алуды ұйымдастырушы аптасына екі реттен сиретпей шығарылатын, мерзімді баспа басылымдарында жарияланатын және облыстардың, Астана және Алматы қалаларының тиісті аумақтарына және Әкімшінің интернет-ресурсында таратылатын хабарландыруларды беру арқылы қызметтерді сатып алуды жүзеге асыру туралы әлеуетті өнім берушілерге нысан бойынша хабарлауы; 2) сатып алуды ұйымдастырушының ТМККК көрсету бойынша медициналық қызметтерді сатып алу жөніндегі комиссияның құрамын және комиссияның хатшысын белгілеу жасақтауы және бекітуі; 3) ТМККК көрсету бойынша медициналық қызметтерді сатып алуға қатысуға өтінімді қабылдауы; 4) медициналық қызметтердің әлеуетті өнім берушісіне қойылатын талаптарға сәйкес келетін және (немесе) сәйкес келмейтін әлеуетті өнім берушілерді анықтау үшін қатысуға өтінімдерді комиссияның қарауы; 5) комиссияның ТМККК орналастыруы; 6) шарттар жасасу; 7) осы Ережеге 3-қосымшаға сәйкес аптасына екі реттен сиретпей шығарылатын, мерзімді баспа басылымдарында жарияланатын және облыстардың, Астана және Алматы қалаларының тиісті аумақтарына және Әкімшінің интернет-ресурсында таратылатын хабарландыруларды беру арқылы қызметтерді сатып алуды жүзеге асыру туралы әлеуетті өнім берушілерге нысан бойынша хабарлауы. 10. ТМККК көрсету бойынша медициналық қызметтерді сатып алуды өткізу рәсімдерін орындау үшін сатып алуды ұйымдастырушы комиссия құрады және комиссияның хатшысын белгілейді. Комиссияның құрамына комиссияның төрағасы, төрағаның орынбасары және мүшелері кіреді. Комиссияның жалпы саны тақ саннан тұруы және бес адамнан кем болмауы тиіс. Комиссия мүшелерінің құрамына қоғамдық ұйымның және тиісінше облыстардың, Астана мен Алматы қалалары денсаулық сақтау басқармаларының өкілдері кіреді. Комиссияның төрағасы болып сатып алуды ұйымдастырушының бірінші басшысының орынбасарының деңгейінен төмен емес лауазымды тұлға белгіленуі тиіс. Комиссия төрағасы: 1) комиссияның жұмысын жоспарлайды және қызметіне басшылық етеді; 2) комиссияның отырыстарына төрағалық етеді; 3) осы Ережеде көзделген өзге де функцияларды жүзеге асырады. 11. Комиссияның отырысы комиссия мүшелерінің жалпы санының 2/3 қатысқан жағдайда өткізіледі және комиссияның қатысқан мүшелері, оның төрағасы, орынбасары және комиссияның хатшысы қол қоятын хаттамамен ресімделеді. Комиссияның төрағасы болмаған уақытта оның функциясын төрағаның орынбасары орындайды. Комиссия қандай да бір мүшесі болмаған жағдайда комиссия отырысының хаттамасында оның болмау себебі көрсетіледі. 12. Комиссияның шешімі ашық дауыс берумен қабылданады және егер отырысқа қатысқан комиссия мүшелерінің жалпы санының басым көпшілігі ол үшін дауыс берсе, қабылданды деп есептеледі. Дауыстар тең болған жағдайда комиссия төрағасы немесе ол болмаған кезде оны алмастыратын тұлға дауыс берген шешім қабылданды деп саналады. Комиссия шешімімен келіспеген жағдайда осы комиссияның кез келген мүшесі ерекше пікірін білдіруге құқылы, ол жазбаша түрде жазылуы және комиссия отырысының хаттамасына қосылуы тиіс. 13. Комиссияның ұйымдастырушылық қызметін комиссия хатшысы қамтамасыз етеді. Комиссияның хатшысы комиссия мүшесі болып табылмайды және комиссия шешім қабылдаған кезде дауыс беру құқығы болмайды. Комиссияның хатшысы сатып алуды ұйымдастыру мен өткізуге жауапты сатып алуды ұйымдастырушының құрылымдық бөлімшесінің лауазымды тұлғаларының арасынан белгіленеді. 14. Осы Ереженің 4-қосымшасына сәйкес ТМККК көрсету жөніндегі медициналық қызметтерді сатып алуға қатысу үшін әлеуетті өнім беруші осы Ережеде көзделген талаптар мен шарттарға сәйкес қызмет көрсетуге әлеуетті өнім берушінің келісім білдіру нысаны болып табылатын өтінімді береді. 15. Қатысуға өтінім мөрмен бекітілуі немесе өшірілмейтін сиямен жазылуы тиіс және әлеуетті өнім беруші медициналық қызметтерді сатып алуды ұйымдастырушыға тігілген түрде, нөмірленген беттерімен береді және соңғы беті оның қолымен және мөрімен (жеке тұлға үшін, егер ондай бар болса) куәландырылады. 16. Комиссияның отырысы қатысуға өтінімдерді ұсынудың соңғы күні аяқталған күнінен бастап бір жұмыс күні ішінде өтінімдерді қарайды және әлеуетті өнім берушілерге қатысуға рұқсат беру туралы шешім қабылдайды. 17. Қатысуға өтінімдерді комиссия отырысын өткізбей қарауға болмайды. ҚР Үкіметінің 2011.03.10. № 1131 Қаулысымен 18-тармақ өзгертілді (бұр.ред.қара) 18. Комиссия: 1) әлеуетті өнім берушілердің сатып алуға қатысуға өтінімдерінің құрамындағы құжаттар пакетінің толықтығына және тиісінше ресімделуі мәніне қарайды; 2) осы Ереженің 7 және 8-тармақтарының талаптарына сәйкес келетін әлеуетті өнім берушілерді анықтайды және оларды ТМККК орналастыру рәсіміне жіберілді деп таниды. Қатысуға өтінімдерде бар мәліметтерді нақтылау мақсатында комиссия жазбаша түрде тиісті мемлекеттік органдардан, жеке және заңды тұлғалардан қажетті ақпаратты сұратады. Қатысуға өтінімді құжаттама талаптарына сәйкес келтіруге байланысты комиссияның сұраныс жасауына және өзге де әрекеттеріне жол берілмейді; Осы Ереженің 7 және 8-тармақтарының талаптарына сәйкес келмейді деп айқындалған әлеуетті өнім берушілер ТМККК орналастыру рәсіміне жіберілмеді деп танылады. 3) осы Ережеге 5-қосымшаға сәйкес медициналық қызметтердің әлеуетті өнім берушісіне қойылатын талаптарға сәйкестігі және (немесе) сәйкес келмейтіні туралы хаттамаға қол қояды. 19. Қатысуға өтінімдерді қарау кезінде комиссия хатшысы қатысуға өтінімдегі құжаттар мен материалдардың тізбесі туралы ақпаратты хабарлайды. Қатысуға өтінім берген әлеуетті өнім берушілер немесе олардың уәкілетті өкілдері қатысуға өтінімді қарау кезінде қатысуға құқығы бар. Комиссияның отырысына қатысқан тұлғалар комиссияның қызметіне араласуына құқығы жоқ. ҚР Үкіметінің 2011.03.10. № 1131 Қаулысымен 20-тармақ жаңа редакцияда (бұр.ред.қара) 20. Комиссия қатысуға өтінімдерді қарайды және әлеуетті өнім берушілерді ТМККК орналастыру рәсіміне жіберу және (немесе) жібермеу туралы шешім қабылдайды. ҚР Үкіметінің 2011.03.10. № 1131 Қаулысымен 21-тармақ жаңа редакцияда (бұр.ред.қара) 21. Қатысуға өтінімді қарау жөніндегі комиссия отырысының нәтижесі бойынша төраға, ол болмаған жағдайда комиссия төрағасының орынбасары отырыс өткізілген күні комиссия отырысына қатысушы тұлғаларға ТМККК орналастыру рәсіміне жіберілгендер және (немесе) жіберілмегендер туралы хабарлайды. 22. Комиссия өтінімдерді берудің соңғы мерзімі аяқталғаннан бастап үш жұмыс күнінің ішінде ТМККК орналастыру қорытындысы туралы шешім қабылдайды, осы ережеге 6-қосымшаға сәйкес хаттамада түрінде рәсімделеді және қол қояды. ҚР Үкіметінің 2011.03.10. № 1131 Қаулысымен 22-1-тармақпен толықтырылды 22-1. Мынадай: ТМККК көрсету бойынша медициналық қызметтерді сатып алуға қатысуға өтінімдер болмаған; ТМККК көрсету бойынша медициналық қызметтерді сатып алуға қатысуға өтінім берген әлеуетті өнім берушілердің ешқайсысы осы Ереженің 7 және 8-тармақтарының талаптарына сәйкес келмеген жағдайда Комиссия осы Ережеге 6-1-қосымшаға сәйкес хаттама түрінде ресімделетін ТМККК көрсету бойынша медициналық қызметтерді сатып алуды болмады деп тану және оны қайта өткізу туралы шешім қабылдайды. ТМККК көрсету бойынша медициналық қызметтерді сатып алуды қайта жүзеге асырған кезде ТМККК көрсету бойынша медициналық қызметтерді сатып алуға бұрын өтінім берген және осы Ереженің 7 және 8-тармақтарының талаптарына сәйкес келеді деп танылған әлеуетті өнім берушілер сол сатып алуды ұйымдастырушыға тиісті құжаттарды қайтадан ұсынбауға құқылы. ҚР Үкіметінің 2011.03.10. № 1131 Қаулысымен 22-2-тармақпен толықтырылды 22-2. Егер ТМККК толық көлемде орналастырылмаған болса, Комиссия осы Ереженің 6-2-қосымшасына сәйкес хаттама түрінде ресімделетін ТМККК-нің қалған көлемін орналастыру үшін ТМККК көрсету бойынша медициналық қызметтерді сатып алуды қайта өткізу туралы шешім қабылдайды. 23. Егер өнім беруші жасалған шарт бойынша міндеттемелерін орындаудан толығымен немесе ішінара жалтаратын болса, онымен шарттың сомасының және / немесе медициналық көмектің көлемнің азаюына немесе шартты тиісінше бұзуға жазбаша қосымша келісім жасасады. Комиссия уәкілетті орган белгіленген тәртіппен ТМККК шеңберінде медициналық көмектің түрлері мен нысандары бойынша өңірлердің бөлігінде мемлекеттік сатып салудың бекітілген жылдық жоспарының шегінде ТМККК көрсету бойынша медициналық қызметтерді сатып алу рәсімдерін жүзеге асырмай-ақ, басқа өнім берушілердің арасында медициналық көмектің босаған көлемдерін орналастырады.
24. Осы Ережеге 7-қосымшаға сәйкес сатып алуды ұйымдастырушы ТМККК орналастыру комиссиясы қорытынды шығарған күннен бастап үш жұмыс күні ішінде әлеуетті өнім берушілерге қол қойылған сатып алу туралы шартты жібереді. Өнім берушілер тапсырыс берушімен қол қойылған сатып алу туралы шартты алған сәттен бастап үш жұмыс күні ішінде оған қол қояды. Егер әлеуетті өнім беруші осы мерзім ішінде шартқа қол қоймаса, ол шартқа қол қоюдан жалтарған деп есептеледі және сатып алуды ұйымдастырушы одан сатып алынатын көлемдерді басқа өнім берушілер арасында бөлуге құқылы. 25. Шарттар бюджеттің атқарылуы бойынша орталық уәкілетті органның аумақтық бөлімдерінде міндетті тіркелген күнінен бастап күшіне енеді. ҚР Үкіметінің 2011.03.10. № 1131 Қаулысымен (бұр.ред.қара); 2011.30.12. № 1703 Қаулысымен (бұр.ред.қара) 26-тармақ өзгертілді 26. Тапсырыс беруші тізбесі ТМККК-ні төсек қорының мүмкіндігіне және (немесе) бекітілген халық санына және (немесе) консультациялық-диагностикалық қызметтердің қажеттілігіне және өтінім берілген медициналық қызметтердің көлеміне сәйкес олардың арасында орналастыратын Комиссия жұмысының нәтижелері бойынша анықталған өнім берушілермен шарттар жасасады. Өнім берушілермен шарттар тиісті қаржы жылына міндеттемелер бойынша жеке қаржыландыру жоспарына сәйкес комиссия орналастырған көлемге және Әкімші бөлген қаражат шегінде жасалады. Шарт жасасқан өнім берушілер Тапсырыс берушіге Әкімші бекіткен тәртіппен және мерзімде шығыстардың құрылымын ұсынады. 27. Шарт жасалған өнім берушілердің тізімі олар көрсететін медициналық қызметтердің тізбелері көрсетіле отырып, аптасына үш реттен сиретпей шығарылатын және тиісті облыстың аумағында таратылатын мерзімдік баспа басылымдарында, сондай-ақ Тапсырыс берушінің интернет-ресурсында жарияланады. Өнім беруші аптасына екі реттен жиі емес шығарылатын және астананың, республикалық маңызы бар қалалардың аумағында, тиісті облыстардың аумақтарында және жергілікті атқарушы органның интернет-ресурста таралатын көрсетілетін қызметтердің түрлерін, нысандарын, емдеуде инновациялық технологияларды қолдану, кадр әлеуеті (санаттар бере отырып, маман сертификаттарының болуы туралы, ғылыми дәрежелерінің, атақтарының болуы туралы) көрсете отырып, оларда орналастырылған ТМККК туралы ақпаратты жариялайды.
Доступ к документам и консультации
от ведущих специалистов |