«Дала кеміргіштерін жою кезінде, сондай-ақ жануарлардың құтыруы мен басқа да ауруының індеті жағдайларында улы химикаттарды қолдана отырып, жануарлар әлемі объектілерін аулауға келісу» мемлекеттік қызмет регламенті (Қазақстан Республикасы Ауыл шаруашылығы министрінің 2012 жылғы 2 қазандағы № 1-3/490 Бұйрығына 3-қосымша) (күші жойылды)

ҚР Қоршаған орта және су ресурстары министрінің 2014.27.06. № 239-ө бұйрығымен күші жойылды

Қазақстан Республикасы

Ауыл шаруашылығы министрінің

2012 жылғы 2 қазандағы

№ 1-3/490 бұйрығына

3-қосымша

«Дала кеміргіштерін жою кезінде, сондай-ақ жануарлардың құтыруы мен басқа да ауруының індеті жағдайларында
улы химикаттарды қолдана отырып, жануарлар әлемі объектілерін аулауға келісу»
мемлекеттік қызмет регламенті

1. Жалпы ережелер

1. «Дала кеміргіштерін жою кезінде, сондай-ақ жануарлардың құтыруы мен басқа да ауруының індеті жағдайларында улы химикаттарды қолдана отырып, жануарлар әлемі объектілерін аулауға келісу» мемлекеттік қызметтің осы Регламенті (бұдан әрі - Регламент) Қазақстан Республикасының 2000 жылғы 27 қарашадағы «Әкімшілік іс жүргізу туралы» Заңының 9-1 бабы 4-тармағына сай әзірленген.

2. «Дала кеміргіштерін жою кезінде, сондай-ақ жануарлардың құтыруы мен басқа да ауруының індеті жағдайларында улы химикаттарды қолдана отырып, жануарлар әлемі объектілерін аулауға келісу» мемлекеттік қызмет (бұдан әр - мемлекеттік қызмет) - жеке және заңды тұлғалардың (бұдан әрі - мемлекеттік қызмет алушы) өтініші бойынша дала кеміргіштерін, сондай-ақ жануарлардың құтыруы мен басқа да ауруының індеті жағдайларында улы химикаттарды қолдана отырып жануарлар әлемі объектілерін аулауға келісу қызметі.

3. Мемлекеттік қызмет Қазақстан Республикасы Ауыл шаруашылығы министрлігінің Орман және аңшылық шаруашылығы Комитетінің аймақтық инспекцияларымен (бұдан әрі - Инспекция) ұсынылады.

4. Көрсетілетін мемлекеттік қызметтің нысаны: автоматтандырылмаған.

5. Мемлекеттік қызмет мынадай негізде көрсетіледі:

1) «Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңының 14-бабының 3-тармағы 10) тармақшасының;