«Бекітілген лимит негізінде жануарлар дүниесінің объектілерін алып қоюға квоталар бөлу» мемлекеттік қызмет регламенті (Қазақстан Республикасы Ауыл шаруашылығы министрінің 2012 жылғы 2 қазандағы № 1-3/490 Бұйрығына 8-қосымша) (күші жойылды)

ҚР Қоршаған орта және су ресурстары министрінің 2014.27.06. № 239-ө бұйрығымен күші жойылды

Қазақстан Республикасы

Ауыл шаруашылығы министрінің

2012 жылғы 2 қазандағы

№ 1-3/490 бұйрығына

8-қосымша

«Бекітілген лимит негізінде жануарлар дүниесінің объектілерін алып қоюға квоталар бөлу»
мемлекеттік қызмет регламенті

1. Жалпы ережелер

1. «Бекітілген лимит негізінде жануарлар дүниесінің объектілерін алып қоюға квоталар бөлу» мемлекеттік қызмет регламенті (бұдан әрі - Регламент) Қазақстан Республикасының 2000 жылғы 27 қарашадағы «Әкімшілік іс жүргізу туралы» Заңының 9-1 бабы 4-тармағына сай әзірленген.

2. «Бекітілген лимит негізінде жануарлар дүниесінің объектілерін алып қоюға квоталар бөлу» мемлекеттік қызмет (бұдан әрі - мемлекеттік қызмет) - аңшылық және балық шаруашылық объектісі болып табылатын жеке және заңды тұлғаларға (бұдан әрі - мемлекеттік қызмет алушы) бекітілген лимиттер негізінде жануарлар әлемі объектілерін алуға квоталар бөлу қызметі.

3. Мемлекеттік қызмет ұсынылады:

1) аңшылық объектісі болып табылатын жануарлар әлемін алуға квоталар бөлу кезінде - Қазақстан Республикасы Ауыл шаруашылығы министрлігінің Орман және аңшылық шаруашылығы Комитетінің аймақтық инспекцияларымен (бұдан әрі - Инспекция 1);

2) балық ресурстары және басқа да су жануарларын алуға квоталар бөлу кезінде - Қазақстан Республикасы Ауыл шаруашылығы министрлігінің Балық шаруашылығы Комитетінің аймақтық инспекцияларымен (бұдан әрі-Инспекция 2).

4. Көрсетілетін мемлекеттік қызметтің нысаны: автоматтандырылмаған.

5. Мемлекеттік қызмет мынадай негізде көрсетіледі:

1) «Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңының 9-бабының 1-тармағы 9) тармақшасының;

2) «Жануарлар дүниесі объектілерін алу квоталарын бөлу қағидасын бекіту туралы» Қазақстан Республикасы Үкіметінің 2010 жылғы 14 маусымдағы № 570 қаулысының;