(БҰРЫНҒЫ РЕДАКЦИЯ) «ЖЕКЕЛЕГЕН ТАУАРЛАР ТҮРЛЕРІНІҢ ИМПОРТЫНА ЖӘНЕ (НЕМЕС...

Осы редакция 2019 жылғы 30 шілдеде енгізілген өзгерістеріне дейін қолданылды

Қазақстан Республикасы

Инвестициялар және даму министрінің

2015 жылғы 30 сәуірдегі

№ 563 бұйрығына

6-қосымша

«Жекелеген тауарлар түрлерінің импортына және (немесе) экспортына лицензия беру»

 мемлекеттiк көрсетілетін қызмет стандарты

(2018.12.01. берілген өзгерістер мен толықтырулармен)

 «Жекелеген тауарлар түрлерінің импортына және (немесе) экспортына лицензия беру»  мемлекеттiк көрсетілетін қызмет регламентіне қараңыз

1. Жалпы ережелер

1. «Жекелеген тауарлар түрлерінің импортына және (немесе) экспортына лицензия беру» мемлекеттiк көрсетілетін қызметі (бұдан әрi - мемлекеттiк көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Инвестициялар және даму министрлігі (бұдан әрi - Министрлік) әзірледі.

ҚР Инвестициялар және даму министрінің 2018.12.01. № 27 бұйрығымен 3-тармақ өзгертілді (бұр.ред.қара)

3. Мемлекеттiк қызметті Министрлiктің Индустриялық даму және өнеркәсiптiк қауiпсiздiк комитетi (бұдан әрi - көрсетілетін қызметті беруші) көрсетедi.

Өтінішті қабылдау және мемлекеттік қызмет көрсету нәтижесін беру:

«электрондық үкіметтің» www.egov.kz, www.elicense.kz веб-порталы (бұдан әрі - портал) арқылы жүзеге асырылады.

2. Мемлекеттiк қызмет көрсету тәртiбi

ҚР Инвестициялар және даму министрінің 2018.12.01. № 27 бұйрығымен 4-тармақ жаңа редакцияда (бұр.ред.қара)

4. Порталға жүгінген сәттен бастап мемлекеттік қызмет көрсету мерзімі:

лицензияны беру кезінде - 15 (он бес) жұмыс күні;

Көрсетілетін қызметті беруші көрсетілетін қызметті алушының құжаттарын алған сәттен бастап 2 (екі) жұмыс күні ішінде ұсынылған құжаттардың толықтығын тексереді.

Ұсынылған құжаттардың толық болмауы фактісі белгіленген жағдайда көрсетілетін қызметті беруші көрсетілген мерзімде өтінішті одан әрі қараудан дәлелді бас тартады.

ҚР Инвестициялар және даму министрінің 2018.12.01. № 27 бұйрығымен 5-тармақ жаңа редакцияда (бұр.ред.қара)

5. Мемлекеттік қызмет көрсету нысаны - электрондық (толық автоматтандырылған) түрде.