(БҰРЫНҒЫ РЕДАКЦИЯ) «ХАЛЫҚАРАЛЫҚ ЖӘНЕ РЕСПУБЛИКАЛЫҚ МАҢЫЗЫ БАР АВТОМОБИЛ...

Осы редакция 2018 жылғы 12 қаңтарда енгізілген өзгерістеріне дейін қолданылды

Қазақстан Республикасы

Инвестициялар және даму министрінің

2015 жылғы 30 сәуірдегі

№ 529 бұйрығына

3-қосымша

«Халықаралық және республикалық маңызы бар автомобиль жолдарының арналармен,

байланыс және электр беру жүйелерімен, мұнай құбырларымен, газ құбырларымен,

су құбырларымен және теміржолдармен және басқа инженерлік желілермен және

 коммуникациялармен қиылысуына рұқсат беру»

 мемлекеттік көрсетілетін қызмет стандарты

(2016.15.08. берілген өзгерістермен)

1. Жалпы ережелер

1. «Халықаралық және республикалық маңызы бар автомобиль жолдарының арналармен, байланыс және электр беру жүйелерімен, мұнай құбырларымен, газ құбырларымен, су құбырларымен және теміржолдармен және басқа инженерлік желілермен және коммуникациялармен қиылысуына рұқсат беру» мемлекетті көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Инвестициялар және даму министрлігімен (бұдан әрі - Министрлік) әзірледі.

ҚР Инвестициялар және даму министрінің міндетін атқарушының 2016.15.08. № 610 бұйрығымен 3-тармақ өзгертілді (бұр.ред.қара)

3. Мемлекеттік қызметті «ҚазАвтоЖол» ұлттық компаниясы» акционерлік қоғамының облыстық филиалдарымен (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижелерін беру мыналар арқылы жүзеге асырылады:

1) көрсетілетін қызметті берушінің кеңсесі;

2) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация).

2. Мемлекеттік қызметті көрсету тәртібі

ҚР Инвестициялар және даму министрінің міндетін атқарушының 2016.15.08. № 610 бұйрығымен 4-тармақ өзгертілді (бұр.ред.қара)

4. Мемлекеттік қызметті көрсету мерзімдері:

1) көрсетілетін қызметті алушы көрсетілетін қызметті берушіге не Мемлекеттік корпорацияға құжаттардың топтамасын тапсырған сәттен бастап - 7 (жеті) жұмыс күні ішінде;