(БҰРЫНҒЫ РЕДАКЦИЯ) ҚР ІШКІ ІСТЕР МИН. 2006.25.07 № 372 БҰЙРЫҒЫ

«Ішкі істер органдарының лицензиялау-рұқсат ету жұмысын жүзеге асыру  жөніндегі жұмысы туралы» нұсқаулықты және «Ішкі істер органдарында алынып  қойылған, ерікті түрде тапсырылған, тауып алынған қарулар мен оқ-дәрілерді, жарылғыш заттар мен материалдарды, оқ-дәріні, суық қаруды қабылдап алу, есепке алу, сақтау және сақталуын қамтамасыз ету жөніндегі жұмыстың тәртібі туралы» ережені бекіту туралы Қазақстан Республикасы Ішкі істер министрінің 2003 жылғы 1 наурыздағы № 111 бұйрығына өзгерістер енгізу туралы
Қазақстан Республикасы Ішкі істер министрінің 2006 жылғы 25 шілдедегі № 372 бұйрығы

Осы редакция 2015 жылғы 24 ақпанда енгізілген өзгерістеріне дейін қолданылды

«Жеке кәсіпкерлік туралы», «Қазақстан Республикасының Ішкі істер органдарытуралы» Қазақстан Республикасының заңдарын іске асыру мақсатында БҰЙЫРАМЫН:

1. «Ішкі істер органдарының лицензиялау-рұқсат ету жұмысын жүзеге асыру жөніндегі жұмысы туралы» нұсқаулықты және «Ішкі істер органдарында алынып қойылған, ерікті түрде тапсырылған, тауып алынған қарулар мен оқ-дәрілерді, жарылғыш заттар мен материалдарды, оқ-дәріні, суық қаруды қабылдап алу, есепке алу, сақтау және сақталуын қамтамасыз ету жөніндегі жұмыстың тәртібі туралы» ережені бекіту туралы» Қазақстан Республикасы Ішкі істер министрінің 2003 жылғы 1 наурыздағы № 111 бұйрығына (2869 болып тіркелген Қазақстан Республикасы Ішкі істер министрінің 2004 жылғы 7 мамырдағы № 261 бұйрығымен енгізілген өзгерістер мен толықтырулармен нормативтік құқықтық кесімдерді мемлекеттік тіркеу тізілімінде № 2257 болып тіркелген) мынадай өзгерістер енгізілсін:

2 және 3-тармақтардағы «Астана және Алматы қалаларының ІІББ-нің, облыстардағы ІІББ-ІІБ-нің, КІІБ-нің» деген сөздер «Астана және Алматы қалаларының, облыстардың және көліктегі ішкі істер департаменттерінің» деген сөздермен ауыстырылсын;

көрсетілген бұйрықпен бекітілген Ішкі істер органдарының лицензиялау-рұқсат ету жұмысын жүзеге асыру жөніндегі жұмысы туралы нұсқаулықта: