(БҰРЫНҒЫ РЕДАКЦИЯ) «ХАЛЫҚАРАЛЫҚ ЖӘНЕ РЕСПУБЛИКАЛЫҚ МАҢЫЗЫ БАР АВТОМОБИЛ...

Осы редакция 2019 жылғы 9 қыркүйекте енгізілген өзгерістеріне дейін қолданылды

ҚР Инвестициялар және даму министрінің м.а. 2016.28.11. № 817 бұйрығымен (бұр.ред.қара); ҚР Инвестициялар және даму министрінің 2018.24.08. № 597 бұйрығымен (бұр.ред.қара) мемлекеттік көрсетілетін қызмет регламенті жаңа редакцияда

Қазақстан Республикасы

Инвестициялар және даму

министрі міндетін атқарушының

2015 жылғы 28 мамырдағы

№ 624 бұйрығына

2-қосымша

«Халықаралық және республикалық маңызы бар автомобиль жолдарының арналармен,

байланыс және электр беру жүйелерімен, мұнай құбырларымен, газ құбырларымен,

су құбырларымен және теміржолдармен және басқа инженерлік желілермен және

коммуникациялармен қиылысуына рұқсат беру»

мемлекеттік көрсетілетін қызмет регламенті
(2018.24.08. берілген өзгерістермен)

1-тарау. Жалпы ережелер

1. «Халықаралық және республикалық маңызы бар автомобиль жолдарының арналармен, байланыс және электр беру жүйелерімен, мұнай құбырларымен, газ құбырларымен, су құбырларымен және теміржолдармен және басқа инженерлік желілермен және коммуникациялармен қиылысуына рұқсат беру» мемлекеттік көрсетілетін қызметі (бұдан әрі - мемлекеттік көрсетілетін қызмет) «ҚазАвтоЖол» ұлттық компаниясы» акционерлік қоғамының облыстық филиалдары (бұдан әрі - көрсетілетін қызметті беруші) Қазақстан Республикасының Инвестициялар және даму министрінің 2015 жылғы 30 сәуірдегі № 529 бұйрығымен (Нормативтік құқықтық актілерді мемлекеттік тіркеу тізілімінде № 11327 болып тіркелген) бекітілген «Халықаралық және республикалық маңызы бар автомобиль жолдарының арналармен, байланыс және электр беру жүйелерімен, мұнай құбырларымен, газ құбырларымен, су құбырларымен және теміржолдармен және басқа инженерлік желілермен және коммуникациялармен қиылысуына рұқсат беру» мемлекеттік көрсетілетін қызмет стандартына сәйкес (бұдан әрі - Стандарт) көрсетеді.

Өтініштерді қабылдау және мемлекеттік қызметті көрсету нәтижесін беру:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);