(БҰРЫНҒЫ РЕДАКЦИЯ) «ҚАЗАҚСТАН РЕСПУБЛИКАСЫНЫҢ АУМАҒЫНДА ТАРАТЫЛАТЫН ШЕТ...

Осы редакция 2017 жылғы 24 наурызда енгізілген өзгерістеріне дейін қолданылды

Қазақстан Республикасы

Инвестициялар және даму министрінің

2015 жылғы 28 сәуірдегі

№ 505 бұйрығына

3-қосымша

«Қазақстан Республикасының аумағында таратылатын шетелдік теле-, радиоарнаны

есепке қою, қайта есепке қою, куәліктің телнұсқасын беру»

мемлекеттік көрсетілетін қызмет стандарты
(2016.26.01. берілген өзгерістер мен толықтырулармен)

1. Жалпы ережелер

1. «Қазақстан Республикасының аумағында таратылатын шетелдік теле-, радиоарнаны есепке қою, қайта есепке қою, куәліктің телнұсқасын беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Инвестициялар және даму министрлігі (бұдан әрі - Министрлік) әзірледі.

3. Мемлекеттік қызметті Министрліктің Байланыс, ақпараттандыру және ақпарат комитеті көрсетеді (бұдан әрі - көрсетілетін қызметті беруші).

Өтінішті қабылдау және мемлекеттік қызмет көрсетудің нәтижесін беру:

1) Көрсетілетін қызметті берушімен;

2) www.egov.kz «электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік қызмет көрсету тәртібі

ҚР Инвестиция және даму министрінің 2016.26.01. № 82 бұйрығымен 4-тармақ өзгертілді (бұр.ред.қара)

4. Мемлекеттік қызмет көрсету мерзімі:

1) құжаттар топтамасын көрсетілетін қызметті берушіге тапсырған сәттен бастап - күнтізбелік 15 (он бес) ішінде;

Көрсетілетін қызметті беруші құжаттар топтамасын қабылдаған сәттен бастап екі жұмыс күні ішінде ұсынылған құжаттардың толықтығын тексереді.

Ұсынылған құжаттардың толық емес фактісі анықталған жағдайда, көрсетілетін қызметті беруші белгіленген мерзімде өтінішті одан әрі қараудан жазбаша дәлелді бас тартады.

2) құжаттар топтамасын тапсыру үшін күтудің рұқсат етілетін ең көп уақыты - 30 (отыз) минут;

3) қызмет көрсетудің рұқсат етілетін ең көп уақыты - 15 (он бес) минут.

5. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.