| ||||||||||||||||||||
|
|
|
Қазақстан Республикасының әуе кеңiстiгiнде аэронавигациялық қызмет Қазақстан Республикасы Үкіметінің 2003 жылғы 13 наурыздағы № 258 қаулысына сәйкес осы қаулының күші жойылды Қазақстан Республикасының Халықаралық азаматтық авиация ұйымына (ХААҰ) кiруiне байланысты және әуе кеңiстiгi пайдаланылуын бақылауды қамтамасыз ету, ұшу қауiпсiздiгiн арттыру мақсатында Қазақстан Республикасының Министрлер Кабинетi қаулы етедi: 1. Аэронавигациялық қызмет көрсету ақысы (ставкалары мен алымдары) және оларды Қазақстан Республикасының әуе кеңiстiгiн пайдаланушылардан төлеттiру тәртібі туралы осыған қосылған ереже бекітілсiн. 1994 жылдан бастап Қазақстан Республикасының әуе кеңiстiгiнде аэронавигациялық қызмет көрсету басқа мемлекеттiгiне, ведомстволық бағыныстылығына және меншiк нысандарына қарамастан, барлық пайдаланушыларға Аэронавигациялық қызмет көрсету ақысы (ставкалары мен алымдары) және оларды Қазақстан Республикасының әуе кеңiстiгiн пайдаланушылардан төлеттiру тәртібі туралы осы ережеге сәйкес ақылы жүзеге асырылады деп белгiленсiн. 2. "Қазақстан әуе жолы" ұлттық акционерлік авиакомпаниясының құрамында дербес құрылымы - Аэронавигация дирекциясының құрылуы мақұлдансын және оған әуе кеңiстiгi пайдаланылуын бақылау, азаматтық авиацияның әуе қозғалысын басқару және Қазақстан Республикасының әуе кеңiстiгiнде аэронавигациялық қызмет көрсетiлгенi үшiн ақы төлеттiру функциялары жүктелсiн. Қазақстан Республикасының Көлiк министрлігі "Қазақстан әуе жолы" ұлттық акционерлік авиакомпаниясымен бiрлесе отырып Аэронавигация дирекциясы туралы ереженi және оны дамыту бағдарламасын бекiтсiн, онда 1994 жылғы 1 шiлдеге дейiн мемлекеттік дербес кәсiпорын құру болсын. 3. Қазақстан Республикасының Көлiк министрлігі, Қорғаныс министрлігі, "Қазақстан әуе жолы" ұлттық акционерлік авиакомпаниясы 1994 - 1995 жылдары аэронавигация жүйесiн жетiлдiру және оны техникалық жасақтау жөнiнде тиiстi шараларды жүзеге асыру арқылы республиканың әуе кеңiстiгiн пайдалану тәртібіне бақылау жасалуын қамтамасыз етсiн. 4. Қазақстан Республикасының министрлігі; - шектес мемлекеттердiң әуе кеңiстiгiнде әуе қозғалысын басқару iсіндегі өзара iс-қимыл туралы iргелес мемлекеттермен екiжақты келісімдер; - Қазақстан Республикасының әуе кеңiстiгiнде аэронавигациялық қызмет көрсетiлуiне мүдделi мемлекеттермен әуе қатынасы туралы үкiметаралық келісімдер жасасатын болсын. Қазақстан Республикасының әуе кеңiстiгiнде аэронавигациялық қызмет көрсетiлгенi үшiн мiндеттi түрде ақы төленетiнi туралы авиация органдарын, мемлекеттік және жеке авиакомпанияларды хабардар етiп отырсын. Жасалатын келісімдер егемен мемлекеттердiң әуе кеңiстiгiнде қозғалысты реттеудiң халықаралық практикасына, сондай-ақ Халықаралық азаматтық авиация ұйымы (ХААҰ) белгiлеген нормалар мен ережелерге қайшы келмеуге тиiс. 5. Қазақстан Республикасының әуе кеңiстiгiнде аэронавигациялық қызмет көрсетiлгенi үшiн ақы төлеуден мыналар босатылсын: құрамынан Аэронавигация дирекциясы бөлiнiп шыққанға дейiн республиканың аэронавигациялық жүйесiн пайдаланушы және оның күтiп ұсталуына қаржы жұмсап отырған "Қазақстан әуе жолы" ұлттық акционерлік авиакомпаниясы; орындалатын коммерциялық рейстердi қоспағанда, Қазақстан Республикасы Қорғаныс министрлігінiң авиациясы, Шекара әскерлерiнiң авиациясы, Iшкi iстер министрлігінiң Iшкi әскерлер авиациясы. 6. "Қазақстан әуе жолы" ұлттық акционерлік авиакомпаниясы Қазақстан Республикасының әуе кеңiстiгiнде аэронавигациялық қызмет көрсетiлгенi үшiн шетелдiк валютамен ақы төлеуден түскен кiрiстi түсiмнiң 50 процентiн уәкiлдiк алған банктер арқылы Қазақ банкаралық валюта биржасында мiндеттi түрде сатқаннан кейiн тек Қазақстан Республикасының аэронавигация жүйесiн дамытуға жұмсайтын болсын. Аталған қаржының нысаналы мақсатқа жұмсалуына бақылау жасау Қазақстан Республикасының Көлiк министрлігі мен Қаржы министрлігіне жүктелсiн. 7. СССР Министрлер Советiнiң 1983 жылғы 1 желтоқсандағы № 1126 қаулысымен бекітілген СССР-де әуе қозғалысын басқарудың бiрыңғай жүйесi туралы ережеде көзделген Қазақстан Республикасының Әуе қозғалысын басқарудың бiрыңғай жүйесi органдарының жұмыс iстеуiнiң қолданылып жүрген тәртібі сақталсын. Қазақстан республикасының Премьер-министрi Қазақстан Республикасы Министрлер Кабинетінің 1994 жылғы 10 мамырдағы № 489 қаулысына ҚОСЫМША Аэронавигациялық қызмет көрсету ақысы (ставкалары мен алымдары) және оларды Қазақстан Республикасының әуе кеңiстiгiн пайдаланушылардан төлеттiру тәртібі туралы ЕРЕЖЕ 1. "Қазақстан әуе жолы" ұлттық акционерлік авиакомпаниясы қызметiнiң табыс көзi әуе кеңiстiгiн пайдаланушыларға көрсетiлетiн аэронавигациялық қызмет үшiн төленетiн ақы түріндегі түсiмдер болып табылады. 2. Осы Ереже қызметтiң мынадай бағыттары: жолаушыларды, қол жүгiн, поштаны және жүктердi тұрақты және тұрақты емес рейстердегi iшкi мемлекеттік көлiк тасымалында әуе қозғалысын басқару; халық шаруашылығында авиацияны қолдану жөніндегі жұмыс кезiнде әуе қозғалысын басқару; жолаушыларды, қол жүгiн, поштаны, жүктердi тұрақты және тұрақты емес рейстердi көлiк тасымалы, авиациялық жұмыстар мен көрсетiлетiн қызмет кезiнде шетелдiк авиакомпаниялардың және ТМД елдерiнiң авиакомпаниялары әуе кемелерiнiң әуе қозғалысын басқару бойынша аэронавигациялық қызмет көрсетiлгенi үшiн ақы төлеудiң бiрыңғай тәртібін белгiлейдi. 3. Әуе кеңiстiгiн пайдаланушыларға көрсетiлетiн аэронавигациялық қызметке: Қазақстан Республикасының әуе жолымен ұшуды орындау кезiнде әуе қозғалысын, ұшуды және байланысты радиотехникалық қамтамасыз ету құралдарын басқаруды қамтамасыз ету; әуе кемелерiнiң ұшуы мен қонуы кезiнде ұшақ тұрағы ауданында әуе қозғалысын, ұшуды және байланысты радиотехникалық қамтамасыз ету құралдарын басқаруды қамтамасыз ету; белгiленген аймақтар мен жауапкершiлiк аудандарында әуе қозғалысын жоспарлап және оны үйлестiрiп отыру жатады. 4. Қазақстан Республикасының әуе кеңiстiгiн пайдаланушыларға: "Қазақстан әуе жолы" ұлттық акционерлік авиакомпаниясының кәсiпорындары, бiрлестiктерi мен ұйымдары; басқа министрлiктер мен ведомстволардың кәсiпорындары мен ұйымдары; ведомстводан тыс кәсiпорындар мен ұйымдар; шетелдiк авиакомпаниялар; әуе кемелерiнiң басқа иелерi жатады. 5. Ақы төлеуге жататын қамтамасыз ету түрлерi: Қазақстан Республикасының әуе жолымен, оның iшiнде халықаралық, 1 санаттағы жергiлiктi әуе жолымен және әуе қозғалысын басқару орталықтарының аймағындағы ұшу жолдарымен әуе кемелерiнiң ұшуына аэронавигациялық қызмет көрсету; ұшақ тұрағы ауданында әуе кемелерiнiң ұшақ-ұшуына (ұшу-қону) аэронавигациялық қызмет көрсету. 6. "Қазақстан әуе жолы" ұлттық акционерлік авиакомпаниясы дирекциясының оқу-жаттығу, сынау, зерттеу және басқа ұшуларды орындайтын, сондай-ақ халық шаруашылығында авиацияны қолдану жөніндегі ұшу жұмыстарын атқаратын әуе кемелерiне аэронавигациялық қызмет көрсетiлгенi үшiн төленетiн уағдаластық ақыны белгiлеу мен қолдануға құқығы бар. 7. "Қазақстан әуе жолы" ұлттық акционерлік авиакомпаниясының дирекциясы негiзгi қызметке жататын басқа да жұмыстар мен көрсетiлетiн қызмет түрлерiнiң уағдаластық бағалары мен тарифтерiн дербес әзiрлейдi және қолданады. 8. Аэронавигациялық қызмет көрсетудiң белгiленген ставкалары әуе кеңiстiгiн пайдаланушылардың бәрiне бiрдей дәрежеде қолданылады. Қазақстан Республикасының әуе кеңiстiгiнде аэронавигациялық қызмет көрсетiлгенi үшiн алым төлеуден: Аэронавигациялық дирекциясының құрамынан бөлiнiп шыққанға дейiн Қазақстан Республикасының аэронавигация жүйесiн пайдаланушы және оны күтiп ұстауға қаржы жұмсап отырған "Қазақстан әуе жолы" ұлттық акционерлік авиакомпаниясы; орындалатын коммерциялық рейстердi қоспағанда, Қазақстан Республикасы Қорғаныс министрлігінiң авиациясы, Шекара әскерлерiнiң авиациясы, Iшкi iстер министрлігінiң Iшкi әскерлер авиациясы босатылады. 9. Ұшуға аэронавигациялық қызмет көрсету ставкасының мөлшерiн "Қазақстан әуе жолы" ұлттық акционерлік авиакомпаниясы дирекциясының ұсынуы бойынша Қазақстан Республикасының Қаржы министрлігі бекiтедi.
Доступ к документам и консультации
от ведущих специалистов |