Қазақстан Республикасының Үкіметі мен Ресей Федерациясы Үкіметінің арасындағы Ембі сынақ полигонын (5580 сынақ жұмыстарын қамтамасыз ету базасы) жалдау туралы Шарт (Мәскеу қ., 1996 ж. 18 қазан) (2005.25.11. берілген өзгерістермен) (күші жойылды)

Қазақстан Республикасының Үкіметі мен Ресей Федерациясы Үкіметінің арасындағы Ембі сынақ полигонын (5580 сынақ жұмыстарын қамтамасыз ету базасы)  жалдау туралы
Шарт
(Мәскеу қ., 1996 ж. 18 қазан)

(2005.25.11. берілген өзгерістермен)

Келісім Қазақстан Республикасының 05.07.00 ж. № 82-II Заңымен бекітілді

Шарт 2003 жылдың 7 мамырында күшіне енеді

2005 ж. 25 қарашадағы Хаттамасымен тақырыбы мен кіріспе өзгертілді (бұр.ред.қара)

Бұдан әрi тиiсiнше Жалға берушi және Жалға алушы немесе Тараптар деп аталатын Қазақстан Республикасының Үкіметі мен Ресей Федерациясының Үкіметі,

Қазақстан Республикасы мен Ресей Федерациясының арасындағы Ембі сынақ полигонын (5580 сынақ жұмыстарын қамтамасыз ету базасы) пайдалану мен жалдау шарттары туралы 1995 жылғы 20 қаңтардағы Келісімді (бұдан әрi - Келісім) негiзге ала отырып,

Ембі сынақ полигонын (5580 сынақ жұмыстарын қамтамасыз ету базасы) (бұдан әрi - Полигон) эксперименттiк-сынау және әлеуметтiк-мәдени әлеуеті мен инфрақұрылымын сақтау, пайдалану және дамытудағы өзара мүдделiлiктi ескере отырып,

Тараптардың мүдделерін ескеріп, Полигонды жалдау және пайдалану кезiндегi Жалға берушi мен Жалға алушының құқықтары мен мiндеттерiн шарттық реттеулердің қажеттiлiгiн негiзге алып,

төмендегiлер туралы осы Шартты жасады:

1-бап

Осы Шарттың мәні Қазақстан Республикасының Yкіметі мен Ресей Федерациясы Үкіметінiң арасындағы Қазақстан Республикасының жер учаскелерiн және жалға алу шартымен Ресей Федерациясына ұсынған жылжымалы және жылжымайтын мүлкін пайдалануға байланысты қарым-қатынастар болып табылады.

Тараптар осы Шартты жүзеге асыру мақсатында оған қол қойылғаннан кейiнгi бiр ай мерзiм iшiнде өкiлеттi органдар құрады.

Осы Шартта Келісімде айқындалған терминдер пайдаланылады.

2-бап

Қазақстан Республикасының Үкіметі өзi өкiлеттендiрген органдар атынан осы Шартқа қол қойылған күннен бастап екi айлық мерзiмде Ресей Федерациясының Үкіметіне ол өкiлеттендiрген органдардың атына Полигонды жалға бередi.

Жер учаскелерiн және жалға беру шарттарымен жылжымалы және жылжымайтын мүлiктi берудi келісілген ведомстарға сәйкес, Тараптардың өкiлеттi органдары жүзеге асырады.