Қазақстан Республикасы Үкіметінің 1999 жылғы 16 наурыздағы № 247 қаулысына өзгерістер мен толықтырулар енгізу туралы Қазақстан Республикасы Үкіметінің 2004 жылғы 5 наурыздағы № 279 қаулысы

Қазақстан Республикасы Үкіметінiң 1999 жылғы 16 наурыздағы № 247
қаулысына өзгерістер мен толықтырулар енгізу туралы Қазақстан
Республикасы Үкіметінің 2004 жылғы 5 наурыздағы № 279 қаулысы

Қазақстан Республикасының Үкiметі қаулы етеді:

1. "Қазақстан Республикасы Үкіметінiң жанындағы консультациялық-кеңесшi органдар мен жұмыс топтарын құру тәртібі, қызметi мен таратылуы туралы нұсқаулықты бекіту туралы" Қазақстан Республикасы Yкіметінiң 1999 жылғы 16 наурыздағы № 247 қаулысына (Қазақстан Республикасының ПҮКЖ-ы, 1999 ж., № 9, 70-құжат) мынадай өзгерістер мен толықтырулар енгізiлсiн:

көрсетiлген қаулымен бекітілген Қазақстан Республикасы Yкіметінiң жанындағы консультативтiк-кеңесшi органдар мен жұмыс топтарын құру тәртібі, қызметi мен таратылуы туралы нұсқаулықта:

2-тармақтың үшiншi абзацының екiншi сөйлемi мынадай редакцияда жазылсын: "Комиссиялар құрамына енгізiлетiн мемлекеттік органдар лауазымды адамдарының мәртебесi департамент директорынан төмен болмауға тиiс.";

7-тармақта "мүдделі мемлекеттік органдардан" деген сөздерден кейiн ", ұйымдардан және өзге де тұлғалардан" деген сөздермен толықтырылсын;

8-тармақтың 4) тармақшасында "министрлiктер мен ведомстволардың" деген сөздер "мемлекеттік органдардың, ұйымдардың және өзге де тұлғалардың" деген сөздермен ауыстырылсын;

12-тармақ мынадай мазмұндағы абзацпен толықтырылсын:

"Жекелеген жағдайларда комиссиялардың/жұмыс топтарының құрамына ғылыми, үкiметтік емес және басқа да ұйымдардың өкiлдерi, ғалымдар, мамандар және олардың келісімi бойынша өзге де адамдар енгiзiлуi мүмкiн.";

14-тармақтың 5) тармақшасында "органдар" деген сөзден кейiн "және ұйымдар" деген сөздермен толықтырылсын.

2. Осы қаулы қол қойылған күнінен бастап күшiне енедi.

Қазақстан Республикасының