Берілген сәйкестік сертификаттарының немесе сәйкестік туралы декларациялар тіркеулерінің қолданылу мерзімін тоқтату немесе күшін жою ережесі (ҚР Индустрия және сауда министрлігінің Техникалық реттеу және метрология комитеті Төрағасының 2005 жылғы 22 сәуірдегі № 119 бұйрығымен бекітілген) (2007.29.03. берілген өзгерістер мен толықтыруларымен) (күші жойылды)

ҚР Инвестициялар және даму министрінің м.а. 2015 жылғы 26 наурыздағы № 331 бұйрығымен күші жойылды

Қазақстан Республикасы

Индустрия және сауда

министрлігінің Техникалық

реттеу және метрология

комитеті Төрағасының

2005 жылғы 22 сәуірдегі

№ 119 бұйрығымен

бекітілген

ҚР Индустрия және сауда министрлігі техникалық реттеу және метрология комитетінің 2007.29.03. № 172 Бұйрығымен «инспекциялық тексерістің», «инспекциялық тексеріс», «инспекциялық тексерістер» деген сөздер «инспекциялық бақылаудың», «инспекциялық бақылау», «инспекциялық бақылаулар» деген сөздермен ауыстырылды;

«сапа жүйесі», «сапа жүйесімен», «сапа жүйесін» деген сөздер сәйкес «менеджмент жүйесі», «менеджмент жүйесімен», «менеджмент жүйесін» деген сөздермен ауыстырылды;

«сапа менеджменті жүйесін» деген сөздер «менеджмент жүйесін» деген сөздермен ауыстырылды;

«техникалық реттеу саласындағы нормативтік құқықтық актілермен», «техникалық реттеу саласындағы нормативтік құқықтық кесімдердің», «техникалық реттеу саласындағы нормативтік құқықтық актілерде», деген сөздер сәйкес «техникалық регламенттермен», «техникалық регламенттердің», «техникалық регламенттерде» деген сөздермен ауыстырылды  (бұр. ред. қара)

Берілген сәйкестік сертификаттарының немесе
сәйкестік туралы декларациялар тіркеулерінің қолданылу
мерзімін тоқтату немесе күшін жою ережесі

(2007.29.03. берілген өзгерістер мен толықтыруларымен)

1. Жалпы ережелер

1. Осы Ереже "Техникалық реттеу туралы" Қазақстан Республикасы Заңының 12 бабына сәйкес әзірленді, берілген сәйкестік сертификаттарының немесе сәйкестік туралы декларациялар тіркеулерінің қолданылу мерзімін тоқтату немесе күшін жою тәртібін белгілейді.

2. Ереже талаптары Қазақстан Республикасы мемлекеттік техникалық реттеу жүйесінің қызметіне қатысатын сәйкестікті растау бойынша аккредиттелген органдарға, олардың қызметін бақылаушы органдарға, сонымен қатар заңды және жеке тұлғаларға міндетті.