«Аурулар түрлерінің және амбулаториялық емделу кезінде дәрілік заттар, арнайы емдік тағам рецепт бойынша тегін немесе жеңілдікті жағдайда берілетін халықтың жекелеген санаттарының тізбесін бекіту туралы» Қазақстан Республикасы Денсаулық сақтау министрінің 2005 жылғы 23 желтоқсандағы № 637 Бұйрығы (2006.29.12. берілген өзгерістермен) (күші жойылды)

Аурулар түрлерінің және амбулаториялық емделу кезінде дәрілік заттар,
арнайы емдік тағам рецепт бойынша тегін немесе жеңілдікті жағдайда
берілетін халықтың жекелеген санаттарының тізбесін бекіту туралы
Қазақстан Республикасы Денсаулық сақтау министрінің 2005 жылғы
23 желтоқсандағы № 637 Бұйрығы

(2006.29.12. берілген өзгерістермен)

ҚР Денсаулық сақтау министрінің 2007 жылғы 21 маусымдағы № 376 Бұйрығымен күші жойылды

«Денсаулық сақтау жүйесі туралы» Қазақстан Республикасының Заңын, "Қазақстан Республикасының денсаулық сақтау ісін реформалау мен дамытудың 2005-2010 жылдарға арналған мемлекеттік бағдарламасы туралы" Қазақстан Республикасы Президентінің 2004 жылғы 13 қыркүйектегі № 1438 Жарлығын және Қазақстан Республикасы Президентінің «Қазақстан экономикалық, әлеуметтік және саяси жедел жаңару жолында» туралы Мемлекет Басшысының 2005 жылғы 18 ақпандағы Қазақстан халқына жолдауын іске асыру жөніндегі Жалпыұлттық іс-шаралар жоспары туралы" 2005 жылғы 4 наурыздағы өкімін іске асыру мақсатында бұйырамын:

1. Мыналар:

1) 1-қосымшаға сәйкес аурулар түрлерінің және амбулаториялық емделу кезінде дәрілік заттар, арнайы емдік тағам рецепт бойынша тегін 1,0 мөлшерінде өтеу коэффициентімен босатылатын аурулар түрлерінің және тұрғындардың жекелеген санаттарының тізбесі;

2) 2-қосымшаға аурулар түрлерінің және амбулаториялық емделу кезінде дәрілік заттар, арнайы емдік тағам рецепт бойынша тегін 0,5 мөлшерінде өтеу коэффициентімен жеңілдікті дәрілік заттар босатылатын науқастар түрлерінің және азаматтардың жекелеген санаттарының тізбесі бекітілсін.

2. Қазақстан Республикасы Денсаулық сақтау министрлігінің Фармация комитеті (Пак Л.Ю.) осы бұйрыққа 1, 2-қосымшаларға сәйкес тұрғындардың жекелеген санатын дәрілік қамтамасыз ету мониторингін өткізуді қамтамасыз етсін.