«Шығармашылық қызметкердің мәртебесін растайтын куәлік беру ережесін бекіту туралы» Қазақстан Республикасы Мәдениет және ақпарат Министрлігінің 2007 жылғы 1 ақпандағы № 17 Бұйрығы (күші жойылды)

«Мәдениет туралы» Қазақстан Республикасының 2006 жылғы 15 желтоқсанындағы Заңының 7-бабына сәйкес бұйырамын:

1. Жеке тұлғаның шығармашылық жағдайын растайтын куәлігін берілу тәртібі бекітілсін.

2. Өнер департаменті келесі шараларды:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың белгіленген тәртіппен ресми түрде жариялануын қамтамасыз етсін.

3. Осы бұйрықтың орындалуын бақылау вице-министр А.М. Әлиевке жүктелсін.

4. Осы бұйрық мемлекеттік тіркеуден өткен күнінен бастап күшіне және ресми жарияланған күнінен бастап қолданысқа енгізіледі.

Министрдің міндетін

атқарушы

Қазақстан Республикасы

Мәдениет және ақпарат

Министрінің м.а. 2007 жылғы

1 ақпандағы № 17 бұйрығымен

бекітілген

Шығармашылық қызметкерлердің мәртебесін растайтын куәлікті беру

ЕРЕЖЕСІ

1. Шығармашылық қызметкерлердің мәртебесін растайтын куәлікті беру туралы ереже (бұдан әрі - Ереже) «Мәдениет туралы» Қазақстан Республикасының 2006 жылғы 15 желтоқсандағы Заңының 7-бабына сәйкес әзірленді және шығармашылық қызметкердің мәртебесін растайтын куәлік беру тәртібін белгілейді.