«Мемлекеттік монополия субъектісі көрсететін қызметтерге бағаларды белгілеу туралы» Қазақстан Республикасы Денсаулық сақтау министрінің 2017 жылғы 31 тамыздағы № 671 бұйрығы (2019.30.09. берілген өзгерістермен) (күші жойылды)

Мемлекеттік монополия субъектісі көрсететін қызметтерге бағаларды белгілеу туралы
Қазақстан Республикасы Денсаулық сақтау министрінің 2017 жылғы 31 тамыздағы № 671 бұйрығы

(2019.30.09. берілген өзгерістермен)

ҚР Денсаулық сақтау министрінің м.а. 2021 жылғы 20 қаңтардағы № ҚР ДСМ-7 бұйрығымен күші жойылды

2009 жылғы 18 қыркүйектегі «Халық денсаулығы және денсаулық сақтау жүйесі туралы» Қазақстан Республикасының Кодексі 63-бабының 2-тармағына және 63-1-бабының 2-тармағына сәйкес БҰЙЫРАМЫН:

ҚР Денсаулық сақтау министрінің 2019.30.09. № ҚР ДСМ-130 бұйрығымен 1-тармақ жаңа редакцияда (бұр.ред.қара)

1. Мыналар:

1) осы бұйрыққа 1-қосымшаға сәйкес Еуразиялық экономикалық комиссияның 2016 жылғы 12 ақпандағы № 46 шешімімен бекітілген Медициналық бұйымдарды тіркеу және қауіпсіздігін, сапасы мен тиімділігін сараптау қағидаларына және Еуразиялық экономикалық комиссияның 2016 жылғы 3 қарашадағы № 78 шешімімен бекітілген Медициналық қолдануға арналған дәрілік заттарды тіркеу және сараптау қағидаларына сәйкес, дәрілік заттар мен медициналық бұйымдарды мемлекеттік тіркеу, қайта тіркеу және тіркеу дерекнамасына өзгерістер енгізу кезінде сараптама жүргізу жөніндегі мемлекеттік монополия субъектісі іске асыратын көрсетілетін қызметтерге бағалар;

2) осы бұйрыққа 2-қосымшаға сәйкес Қазақстан Республикасының заңнамасына сәйкес дәрілік заттар мен медициналық бұйымдарды мемлекеттік тіркеу, қайта тіркеу және тіркеу дерекнамасына өзгерістер енгізу кезінде сараптама жүргізу жөніндегі мемлекеттік монополия субъектісі іске асыратын көрсетілетін қызметтерге бағалар;

3) осы бұйрыққа 3-қосымшаға сәйкес Қазақстан Республикасында тіркелген дәрiлiк заттар мен медициналық бұйымдардың қауіпсіздігі мен сапасына бағалау жүргізу жөніндегі мемлекеттік монополия субъектісі іске асыратын көрсетілетін қызметтерге бағалар белгіленсін.

2. Қазақстан Республикасы Денсаулық сақтау министрлігінің Мемлекеттік сатып алу және активтер департаменті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;