(БҰРЫНҒЫ РЕДАКЦИЯ) ҚР ДЕНСАУЛЫҚ САҚТАУ МИНИСТРІНІҢ М.А.2009.10.11 № ...

Салалық көтермелеу жүйесінің кейбір мәселелері туралы және көрсетілетін медициналық көмектің көлеміне, сапасына қарай медициналық қызметкерлерге еңбекақы төлеу және салалық көтермелеу жүйесі қағидасын бекіту туралы
Қазақстан Республикасы Денсаулық сақтау министрінің м.а.2009 жылғы 10 қарашадағы № 689 бұйрығы

(2014.19.03. берілген өзгерістер мен толықтырулармен)

Осы редакция 2015 жылғы 20 наурызда енгізілген өзгерістеріне дейін қолданылды

ҚР Денсаулық сақтау министрінің 2012.13.04. № 245 бұйрығымен тақырыбы жаңа редакцияда (бұр.ред.қара)

ҚР Денсаулық сақтау министрінің 2012.13.04. № 245 бұйрығымен кіріспе жаңа редакцияда (бұр.ред.қара)

«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі кодексінің 7-бабына, Қазақстан Республикасы Еңбек кодексінің 236-бабына, «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындар қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 қаулысының 4-тармағының 4-тармақшасына және «Қазақстан Республикасы Үкіметінің құрылымына кіретін кейбір мемлекеттік органдардың ведомстволық наградалары туралы» Қазақстан Республикасы Үкіметінің 2011 жылғы 15 желтоқсандағы № 1539 қаулысына сәйкес БҰЙЫРАМЫН:

ҚР Денсаулық сақтау министрінің 2011.10.10. № 693 бұйрығымен (2011 жылғы 1 шілдеден бастап туындаған қатынастарға қолданылады) (бұр.ред.қара); ҚР Денсаулық сақтау министрінің 2012.13.04. № 245 бұйрығымен (бұр.ред.қара) 1-тармақ жаңа редакцияда

1. Қазақстан Республикасы Денсаулық сақтау министрлігінің көтермелеуінің мынадай түрлері бекітілсін:

1) «Денсаулық сақтау ісіне қосқан үлесі үшін» төсбелгімен марапаттау;

2) «Денсаулық сақтау ісінің үздігі» төсбелгімен марапаттау;

3) Қазақстан Республикасы Денсаулық сақтау министрлігінің Құрмет грамотасымен марапаттау;