«Орта мерзімді кезеңге арналған экономикалық саясатты бекiту туралы» Қазақстан Республикасы Үкіметінің 2023 жылғы 5 сәуірдегі № 275 Қаулысы

Орта мерзімді кезеңге арналған экономикалық саясатты бекiту туралы
Қазақстан Республикасы Үкіметінің 2023 жылғы 5 сәуірдегі № 275 Қаулысы

«Қазақстан Республикасының Үкіметі туралы» Қазақстан Республикасының Конституциялық заңы 9-бабының 1) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Орта мерзімді кезеңге арналған экономикалық саясат бекітілсін.

2. Мемлекеттік органдар осы қаулыдан туындайтын қажетті шараларды қабылдасын.

3. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасы

Үкіметінің

2023 жылғы 5 сәуірдегі

№ 275 қаулысымен

БЕКІТІЛГЕН

Орта мерзімді кезеңге арналған экономикалық

саясат

1. Кіріспе

2. Ағымдағы жағдайды талдау

3. Мақсаттар мен қағидаттар

4. Міндеттер мен бағыттар

4.1. Заңның үстемдігі

4.2. Жеке секторды дамыту

4.2.1. Кәсіпкерлікті дамыту

4.2.2. Монополияға қарсы саясат және бәсекелестікті дамыту

4.2.3. Квазимемлекеттік сектор

4.3. Макроэкономикалық тұрақтылық

4.3.1. Фискалдық саясат

4.3.2. Ақша-кредит саясаты

4.3.3. Қаржы секторын дамыту

4.4. Экономиканы әртараптандыру

4.4.1. Проактивті инвестициялық саясат

4.4.2. Экспорт географиясын кеңейту

4.4.3. Өндірістік әлеуетті тереңдету

4.4.4. Экономика салаларын дамыту

Өнеркәсіп

 Тау-кен металлургия кешені

Өңдеу өнеркәсібі

Көлік

Агроөнеркәсіптік кешен

Ішкі және электрондық сауда

Туризм

Цифрландыру және инновациялар

4.5. Өңірлік саясат

4.6. Әлеуметтік әл-ауқат және адами капиталды дамыту

4.6.1. Білім беру

4.6.2. Денсаулық сақтау

4.6.3. Әлеуметтік қамсыздандыру және жұмыспен қамту

4.7. Мемлекеттік басқаруды реформалау

5. Қорытынды

1. Кіріспе

Бүгінде Қазақстанның дамуы нарықтық экономикасы бар мемлекет, әлемдік қоғамдастықтың толыққанды мүшесі және Орталық Азия өңірінде жаппай танылған көшбасшы ретінде орнықты өсу траекториясына шығуға бағыт алып отыр.