«Бұқаралық ақпарат құралдары туралы» Қазақстан Республикасының Заңына өзгерістер мен толықтырулар енгізу туралы 2001 ж. 3 мамырдағы № 181-II Қазақстан Республикасының Заңы

"Бұқаралық ақпарат құралдары туралы" Қазақстан
Республикасының Заңына өзгерістер мен толықтырулар
енгізу туралы 2001 ж. 3 мамырдағы № 181-II
Қазақстан Республикасының Заңы

"Бұқаралық ақпарат құралдары туралы" 1999 жылғы 23 шілдедегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 21, 771-құжат) мынадай өзгерістер мен толықтырулар енгізілсін:

1) 1-бапта:

2) тармақша "жазбасы және" деген сөздерден кейін "көпшілік қол жеткізе алатын телекоммуникациялық желілердегі (интернет және басқалары) WEB-сайттарды қоса алғанда," деген сөздермен толықтырылсын;

6) тармақша ", көпшілік қол жеткізе алатын телекоммуникациялық желілердегі WEB-сайтта берілген ақпарат;" деген сөздермен толықтырылсын;

мынадай мазмұндағы 15), 16), 17), 18) және 19) тармақшалармен толықтырылсын:

"15) WEB-сайт - Қазақстан Республикасының жеке немесе заңды тұлғасының арнайы техникалық және бағдарламалық құралдардың көмегімен дайындалған, меншік иесі жаппай тарату мақсатында ақпарат беретін электронды өкілдік бет;

16) ретрансляция - техникалық құралдарды пайдалануға қарамастан, басқа бұқаралық ақпарат құралының теле- немесе радио бағдарламаларын (теле- немесе радио хабарларының жиынтығы) қабылдау және бір мезгілде не жазып алып толық және өзгеріссіз тарату;

17) кешен - бір бірімен ортақ мақсаттарымен байланысты және бірыңғай құрылым құрайтын ғимараттар жиынтығы;

18) аккредитация - журналисттi тағайындау рәсiмi және оның өкiлеттiгiн мемлекеттік органның, қоғамдық бiрлестiктiң және ұйымның тануы;

19) бұқаралық ақпарат құралдары iстерi жөніндегі уәкiлеттi орган (бұдан әрi - уәкiлеттi орган) - Қазақстан Республикасының бұқаралық ақпарат құралдары мен ақпарат агенттiктерiнiң қызметiн мемлекеттік реттеудi жүзеге асыратын орталық атқарушы орган.";

2) 5-баптың 1-тармағы мынадай мазмұндағы үшiншi бөлiкпен толықтырылсын:

"Бұқаралық ақпарат құралын есепке қою туралы куәлiк бұқаралық ақпарат құралының өнiмiн шығаруды (эфирге шығуды) жүзеге асыруға, ақпараттық сипаттағы хабарлар мен материалдарды таратуға негiз болып табылады. Бұл талап WEB-сайттарға қолданылмайды.";

3) 10-бапта:

1-тармақта:

"таратылатын" деген сөзден кейiн ", WEB-сайттардан басқа," деген сөздермен толықтырылсын;

"Қазақстан Республикасының бұқаралық ақпарат құралдарының iстерi жөніндегі уәкiлеттi органында (бұдан әрi - уәкiлеттi орган)" деген сөздер алып тасталсын;

мынадай мазмұндағы 3-1, 3-2-тармақтармен толықтырылсын:

"3-1. Мерзiмдi баспасөз басылымының меншiк иесi есепке қою туралы куәлiк алған күннен бастап алты ай iшiнде бұқаралық ақпарат құралы өнiмiн шығаруға кiрiсуге өзiнiң құқығын сақтайды.

Теле-, радио-, бейне-, кинохроникалық бағдарламалардың, ақпарат агенттiктерiнiң меншiк иесi есепке қою туралы куәлiк алған күннен бастап бiр жыл iшiнде бұқаралық ақпарат құралы өнiмiн шығаруға, ақпараттық сипаттағы хабарлар мен материалдарды таратуға кiрiсуге өзiнiң құқығын сақтайды.

Белгiленген кезеңде бұқаралық ақпарат құралының өнiмiн шығару басталмаған жағдайда, уәкiлеттi органның шешiмiмен есепке қою туралы куәлiктiң күшi жойылды деп танылады.

3-2. Меншiк иесi немесе оның ұйымдық-құқықтық нысаны, атауы, сондай-ақ бұқаралық ақпарат құралының аты, басылымның не хабарлардың тілі, таралу аумағы, негiзгi тақырыптық бағыты өзгерген жағдайларда бұқаралық ақпарат құралы ақпарат агенттiгi қайта есепке қойылуға тиiс.

Бұқаралық ақпарат құралын немесе ақпарат агенттiгiн қайта есепке қою оларды есепке қойғандағыдай тәртiппен жүзеге асырылады.";

4) 12-бап төртiншi абзацтағы "бюллетеньдерiн" деген сөзден кейiн нүктелi үтiр қойылып, "есепке қою талап етiлмейдi." деген сөздер алып тасталсын және мынадай мазмұндағы абзацпен толықтырылсын:

"- кабелдiк желiлермен таратылатын теле-, радио-, бейне-, кинохроникалық бағдарламаларды, егер қызмет көрсету аумағы бiр ғимаратпен немесе кешенмен шектелген болса, есепке қою талап етiлмейдi.";

5) 14-бапта:

2-тармақта "басылымдарын" деген сөзден кейiн "тек қана мөлдiр ораммен буылып-түйiлген күйiнде және" деген сөздермен толықтырылсын;

мынадай мазмұндағы 3-1-тармақпен толықтырылсын:

"3-1. Шетелдiк бұқаралық ақпарат құралдарының теле- және радио бағдарламаларын ретрансляциялау телерадио хабарларын тарату арналары арқылы берiлетiн хабарлардың жалпы көлемiнiң: 2002 жылғы 1 қаңтардан бастап елу процентiнен, 2003 жылғы 1 қаңтардан бастап жиырма процентiнен аспауға тиiс.

Бұл талап кабелдiк және эфирлiк-кабелдiк теледидарлар тарататын хабарларға қолданылмайды.";

6) 15-баптың 2-тармағындағы "(телерадио хабарларын тарату)" деген сөздер алып тасталсын;

7) 18-бап мынадай мазмұндағы 2-1-тармақпен толықтырылсын:

"2-1. Мемлекеттік органдар мен өзге де ұйымдар сұратылып отырған ақпаратты өтiнiш түскен күннен бастап үш күннен кешiктiрмей беруге не беру мерзiмiн немесе беруден бас тарту себебiн көрсете отырып жауабын беруге мiндеттi.

Қосымша зерделеудi және тексерудi қажет ететiн өтiнiшке жауап ол келiп түскен күннен бастап бiр ай мерзiмнен кешiктiрiлмей берiлуге тиiс.

Бұқаралық ақпарат құралынан қойылған мәселелердi шешу құзыретiне кiрмейтiн мемлекеттік органдарға немесе өзге де ұйымдарға өтiнiш келiп түскен жағдайда, осы өтiнiш бес күн мерзiмнен кешiктiрiлмей тиiстi органдарға жiберiлiп, бұл туралы бұқаралық ақпарат құралына хабарлануға тиiс.";

8) 21-бап мынадай мазмұндағы 4-1) тармақшамен толықтырылсын:

"4-1) азаматтармен сұхбат жүргiзген кезде дыбыс- немесе бейнежазбаны пайдалануға келісім алуға;";

9) 24-бап мынадай мазмұндағы 3-тармақпен толықтырылсын:

"3. Қазақстан Республикасының Конституциясын және осы Заңның нормаларын бұзатын шетелдiк бұқаралық ақпарат құралдарының өнiмiн таратуға сот тәртібімен тыйым салынады.";

10) 25-бап мынадай мазмұндағы 2-1-тармақпен толықтырылсын:

"2-1. Бұқаралық ақпарат құралының меншiк иесi, бас редакторы (редакторы) Қазақстан Республикасының конституциялық құрылысын күштеп өзгертудi, оның тұтастығын бұзуды, мемлекет қауiпсiздiгiне нұқсан келтiрудi, соғысты, әлеуметтiк, нәсiлдiк, ұлттық, дiни, тектiк-таптық және рулық артықшылықты, қатыгездікті, зорлық пен порнографияны насихаттап, үгіттейтін хабарлар мен материалдарды таратқаны үшін, олардың алынған көздеріне қарамастан, Қазақстан Республикасының заң актілерінде белгіленген жауаптылықта болады.";

11) 26-баптың 2) тармақшасындағы "органдар мен өзге де ұйымдардың" деген сөздер "органдардың" деген сөзбен ауыстырылсын.

Қазақстан Республикасының