Амбулатория-емхана көмегін көрсету ережелерін бекіту туралы Қазақстан Республикасы Денсаулық сақтау министрлігінің 2004 жылғы 15 желтоқсандағы № 874 бұйрығы (күші жойылды)

Амбулатория-емхана көмегін көрсету ережелерін бекіту туралы Қазақстан
Республикасы Денсаулық сақтау министрлігінің 2004 жылғы 15 желтоқсандағы № 874 бұйрығы

ҚР Денсаулық сақтау министрінің м.а. 2009 жылғы 26 қарашадағы № 794 Бұйрығымен күші жойылды

"Денсаулық сақтау жүйесі туралы" Қазақстан Республикасының Заңының 17, 21, 28, 44-баптарын іске асыру мақсатында БҰЙЫРАМЫН:

1. Қосымшаға сәйкес амбулатория-емхана көмегін көрсету ережесі бекітілсін.

2. Облыстардың, Астана және Алматы қалаларының (келісім бойынша) денсаулық сақтау, мемлекеттік санитарлық-эпидемиологиялық қадағалау басқармаларының (департаменттерінің), өзінің құрамында амбулатория-емхана бөлімшелері бар мемлекеттік республикалық денсаулық сақтау ұйымдарының басшылары осы бұйрыққа сәйкес халыққа амбулатория-емхана көмегін ұйымдастыру мен көрсетуді қамтамасыз етсін.

3. Қазақстан Республикасы Денсаулық сақтау министрлігі Емдеу алдын-алу ісі, аккредиттеу және ақпаратты талдау департаменті (Нерсесов А.В.) осы бұйрықты Қазақстан Республикасы Әділет министрлігіне мемлекеттік тіркеуге жіберсін.

4. Қазақстан Республикасы Денсаулық сақтау министрлігі Әкімшілік департаменті (Акрачкова Д.В.) осы бұйрық Қазақстан Республикасы Әділет министрлігінде мемлекеттік тіркелгеннен кейін ресми жариялауға жіберсін.

5. Осы бұйрықтың орындалуын бақылау Қазақстан Республикасы Денсаулық сақтау вице-министрі С.Ә.Диқанбаеваға жүктелсін.

6. Осы бұйрық мемлекеттік тіркелген күнінен бастап күшіне енеді.

Министрдің

міндетін атқарушы

"Амбулатория-емхана көмегін

көрсету ережелері туралы"

Қазақстан Республикасы

Денсаулық сақтау министрінің

2004 жылғы 15 желтоқсандағы

№ 874 бұйрығына 1 қосымша

Амбулатория-емхана көмегін көрсету ережесі

1. Жалпы ережелер

1. Осы Ереже амбулатория-емхана көмегін көрсету және бастапқы-медициналық-санитарлық көмек ұйымдарына азаматтарды тіркеу тәртібін белгілейді.

2. Ереже меншік нысаны мен ведомстволық тиістілігіне қарамастан амбулатория-емхана көмегін көрсететін медициналық ұйымдарға таралады.

2. Амбулатория-емхана көмегін көрсету