«Кеме экипаждарының ең аз құрамы туралы талаптарды белгілеу туралы» Қазақстан Республикасы Көлік және коммуникациялар министрінің 2005 жылғы 11 қаңтардағы № 21-І бұйрығы (күші жойылды)

«Ішкі су көлігі туралы» Қазақстан Республикасы Заңының 9-бабы 1-тармағының 12) тармақшасына сәйкес БҰЙЫРАМЫН:

1. Қоса беріліп отырған Кеме экипажының ең аз құрамы туралы талаптар бекітілсін.

2. Қазақстан Республикасы Көлік және коммуникациялар министрлігінің Көліктік бақылау комитеті (Қ.С.Мұстафин) заңнамада белгіленген тәртіппен осы бұйрықты Қазақстан Республикасының Әділет министрлігіне мемлекеттік тіркеу үшін ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Көлік және коммуникациялар вице-министрі Е.Ж. Қошановқа жүктелсін.

4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.

Қазақстан Республикасы

Көлік және коммуникациялар

министрінің

2005 жылғы 11 қаңтардағы

№ 21-І бұйрығымен

бекітілген

Кеме экипаждарының ең аз құрамы туралы

талаптар

1. Осы Кеме экипаждарының ең аз құрамы туралы талаптар (бұдан әрі - Талаптар) мүшелерінің тиісті біліктілігі бар және құрамы кемені қауіпсіз пайдалануды қамтамасыз етуге, кеме бортында жұмыс уақыты және демалыс уақыты тәртібінің талаптарын орындауға жеткілікті өзі жүретін кеменің ең аз құрамының (бұдан әрі - ең аз құрам) санын белгілейді.