|
|
|
Өзге мемлекеттік мүлiктi мемлекеттік мекемелерге бекітіп беру ережесін бекіту туралы
ҚР Үкіметінің 2021 жылғы 16 қарашадағы № 817 Қаулысымен күші жойылды
«Жекешелендiру туралы» Қазақстан Республикасының 1995 жылғы 23 желтоқсандағы № 2721 Заңының 5-бабы 1-тармағының 7) тармақшасына сәйкес Қазақстан Республикасының Үкіметі ҚАУЛЫ ЕТЕДI: 1. Қоса берiлiп отырған Өзге мемлекеттік мүлiктi мемлекеттік мекемелерге бекітіп беру ережесi бекітілсiн. 2. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi.
Үкіметінiң 2005 жылғы 1 наурыздағы № 185 қаулысымен бекітілген
Өзге мемлекеттік мүлікті мемлекеттік мекемелерге бекітіп беру ережесi
1. Осы Ереже «Жекешелендiру туралы» Қазақстан Республикасының 1995 жылғы 23 желтоқсандағы № 2335 Заңына сәйкес әзiрленген және өзге мемлекеттік мүлiктi мемлекеттік мекемелерге бекітіп беру тәртібін айқындайды. 2. Өзге мемлекеттік мүлiктi мемлекеттік мекемелерге бекітіп беру мынадай тәртiппен: 1) республикалық мемлекеттік мекемелерге: теңгерiмдiк құны ең төмен есептiк көрсеткiштiң он мың және одан жоғары мөлшерi кезiнде - Қазақстан Республикасы Yкіметінiң республикалық мемлекеттік меншiкке иелiк етуге уәкiлеттi мемлекеттік органмен келісілген мекемеге қатысты мемлекеттік басқару органының ұсынысы жөніндегі шешiмi бойынша; теңгерiмдiк құны беру күнiне ең төмен есептiк көрсеткiштiң он мыңнан төмен мөлшерi кезiнде - мемлекеттік басқару органының мекемеге қатысты ұсынысы бойынша республикалық мемлекеттік меншiкке иелiк етуге уәкiлеттi мемлекеттік органның шешiмi бойынша; 2) коммуналдық мемлекеттік мекемелерге - облыстар (республикалық маңызы бар қалалар, астана), аудандар (облыстық маңызы бар қалалар) әкiмдерiнiң шешiмi бойынша жүзеге асырылады. 3. Өзге мемлекеттік мүлiкке жедел басқару құқығы оны әдiлет органдарында мемлекеттік тiркеген сәттен бастап пайда болады. 4. Қазақстан Республикасының заңнамалық кесiмдерiнде көзделген жағдайларда мекемелердiң мүлiктiк құқықтары, оларды сатып алу негiздерiне қарамастан мемлекеттік мекемелердiң мүлкi, сондай-ақ мемлекеттік мекемелер жасасатын азаматтық-құқықтық мәмiлелер белгiленген тәртiппен тiркеуге жатады. 5. Мемлекеттік мекемелердiң жылжымайтын мүлiкке құқығы, оның iшiнде жедел басқару құқығы, бiр жылдан асатын мерзiмге пайдалану құқығы, кепiл, рента, сенiмгерлiк басқару құқығы белгiленген тәртiппен тiркелуге жатады. 6. Егер заңнама кесiмдерiнде өзгеше белгiленбесе, мемлекеттік тiркеуге жатпайтын жылжымалы мүлiкке құқық мемлекеттік мекемеде мемлекеттік меншікті иеленуге уәкілетті мемлекеттік орган бекіткен, ресімделген қабылдау-беру актісімен мүлікті іс жүзінде беру сәтінен бастап пайда болады.
Доступ к документам и консультации
от ведущих специалистов |