«Кеме құжаттарының тізбесін, кеме құжаттарын беру және жүргізу ережесін бекіту туралы» Қазақстан Республикасы Көлік және коммуникациялар министрінің 2005 жылғы 10 ақпандағы № 73-І Бұйрығы (2006.27.04. берілген өзгерістер мен толықтыруларымен) (күші жойылды)

Кеме құжаттарының тізбесін, кеме құжаттарын беру және жүргізу ережесін бекіту туралы
Қазақстан Республикасы Көлік және коммуникациялар министрінің 2005 жылғы 10 ақпандағы № 73-І Бұйрығы

(2006.27.04. берілген өзгерістер мен толықтыруларымен)

ҚР Көлік және коммуникация министрінің м.а. 2011 жылғы 6 тамыздағы № 496 бұйрығымен күші жойылды

1. Кеменің мынадай кеме құжаттары болуы тиіс:

1) кеменің Қазақстан Республикасының Мемлекеттік туын көтеріп жүзу құқығын және кемеге меншік құқығын растайтын кеме куәлігі;

2) шетелдік кемеге (жалға алынған шетел кемелерінің тізілімінде тіркелген кемелер үшін) Қазақстан Республикасының Мемлекеттік туын көтеріп жүзуге уақытша құқық беру туралы куәлік;

3) кеменің жүзуге жарамдылығы туралы, оның сыныбы немесе сыныптау куәлігі көрсетілген куәлігі;

4) өздігінен жүзетін кемелер үшін кеме журналы (вахталық журнал);

5) кеме рөлі (өздігінен жүзетін кемелер үшін) - кеме капитаны жасаған кеме экипажы мүшелерінің тізімі;