«Төтенше жағдай туралы» Қазақстан Республикасының Заңына толықтырулар мен өзгерістер енгізу туралы Қазақстан Республикасының Заңы (Жоба) (2005 ж. 17 мамыр)

Жоба

ҚАЗАҚСТАН РЕСПУБЛИКАСЫНЫҢ
ЗАҢЫ
"Төтенше жағдай туралы" Қазақстан Республикасының
Заңына толықтырулар мен өзгерістер енгізу туралы

ҚР Үкіметінің 2005.17.05. № 466 қаулысымен ҚР Парламентi Мәжілісiнiң қарауына енгiзiлді

1-бап. "Төтенше жағдай туралы" Қазақстан Республикасының 2003 жылғы 8 ақпандағы Заңына (Қазақстан Республикасы Парламентiнiң Жаршысы, 2003 ж., № 3, 18-құжат) мынадай толықтырулар мен өзгерістер енгізiлсiн:

1) 1-бап мынадай мазмұндағы 6) тармақшамен толықтырылсын:

"6) Төтенше жағдай режимiн қамтамасыз ету жөніндегі мемлекеттік комиссия - Қазақстан Республикасының Президентi құратын уақытша арнайы мемлекеттік басқару органы.";

2) 11-баптың 2-тармағы мынадай редакцияда жазылсын:

"2. Төтенше жағдайды енгізуге негiз болған мән-жайлар бiрнеше әкiмшілiк-аумақтық бiрлiктердiң аумағында туындаған жағдайда, Қазақстан Республикасы Президентінің шешiмiмен жергілiктi жердiң комендатурасымен қатар, осы Заңның 7-бабына сәйкес өз қызметiн тоқтататын төтенше жағдай режимiн қамтамасыз ету жөнiндегі мемлекеттік комиссия (бұдан әрi - Мемлекеттік комиссия) құрылуы мүмкiн.";

3) 12-бап мынадай редакцияда жазылсын:

"12-бап. Мемлекеттік комиссияның негізгi мiндеттерi мен

функциялары

1. Мемлекеттік комиссияның негiзгi мiндеттерi мыналар болып табылады:

1) төтенше жағдайды енгізуге негiз болған мән-жайларды жою жөнiнде шаралар әзiрлеу;

2) төтенше жағдай енгiзiлген аумақтың қызметiн басқару мен қамтамасыз ету жөнiнде жедел iс-шаралар жүргізудi ұйымдастыру;

3) төтенше жағдайды енгізуге негiз болған мән-жайлардың салдарынан зардап шеккен жеке тұлғаларды уақытша тұруға арналған тұрғын үй-жайға орналастыруды, оларға қажетті көмек көрсетудi ұйымдастыру;

4) орталық және жергілiктi атқарушы органдардың, сондай-ақ жергiлiктi жерлердiң комендатураларының төтенше жағдайды енгізуге негіз болған мән-жайларды жою жөніндегi қызметiн үйлестiру;

5) төтенше жағдай кезеңiнде жүргізілетiн iс-шаралардың орындалуын бақылау.

2. Мемлекеттік комиссия алдына қойылған мiндеттердi орындау үшiн мынадай функцияларды жүзеге асырады: