Қытай Халық Республикасы Қорғаныс министрлігінің Қазақстан Республикасы Қорғаныс министрлігіне өтеусіз әскери көмек көрсетуі туралы атқару хаттамасы (Астана қ, 2005 жыл 16 қыркүйәек)

Қытай Халық Республикасы Қорғаныс министрлігінiң
Қазақстан Республикасы Қорғаныс министрлігіне
өтеусiз әскери көмек көрсетуi туралы атқару
хаттамасы
(Астана қ, 2005 жыл 16 қыркүйәек)

2005 ж. 16  қыркүйекте күшіне енді

Қазақстан Республикасы Қорғаныс министрлігі (бұдан әрi - қазақстан Тарабы) мен Қытай Халық Республикасының Қорғаныс министрлігі (бұдан әрi - қытай Тарабы), екi мемлекет және олардың қарулы күштерi арасындағы достық қарым-қатынасты одан әрi дамыту мақсатында төмендегiлер туралы келiстi.

1-бап

Қытай Тарабы 8 000 000 (сегiз миллион) қытай юаньы сомасына өтеусiз әскери көмек көрсетедi. Ұсынылатын мүлiктiң атауы мен көлемi осы Атқару хаттамасының ажырамас бөлiгі болып табылатын қосымшада көрсетiлген.

2-бап

Қытай Тарабы осы Атқару хаттамасына қосымшада көрсетiлген мүлiктi тараптар белгiлеген өкiлдер оны тиiсті қабылдау мен тапсыруды жүргiзетiн Алашанькоу шекаралық пунктiне жеткiзуге жауапты болады. Бұл ретте шекаралық пунктке дейiнгі көлiктiк шығыстарды қытай Тарабы төлейдi.

Қазақстан Тарабы Қазақстан Республикасының аумағы бойынша тасымалдау жөнiндегі, сондай-ақ Қазақстан Республикасының заңнамасына сәйкес кедендiк төлемдер мен салықтарды төлеу жөніндегі шығыстарды өз мойнына алады.

3-бап

Осы Атқару хаттамасы оған қол қойылған күнiнен бастап күшiне енедi және осы Атқару хаттамасының ережелерiн iске асырған сәттен бастап өз қолданысын тоқтатады.