Қазақстан Республикасы Президентінің 2003 жылғы 18 тамыздағы № 1166 Жарлығына өзгерістер мен толықтырулар енгізу туралы Қазақстан Республикасы Президентінің Жарлығы (ЖОБА) (2005 Ж.1 ШІЛДЕ)

Жоба

Қазақстан Республикасы Президентінің
Жарлығы

"Қазақстан Республикасы Президентінің

2003 жылғы 18 тамыздағы № 1166 Жарлығына

 өзгерістер мен толықтырулар енгізу туралы"

ҚР Үкіметінің 2005.01.07. № 676  қаулысымен Қазақстан Республикасы Президентінің қарауына енгiзiлді

Ақпараттық технологиялардың жаңа саласын құру және Қазақстан Республикасының ғылыми-техникалық және инновациялық әлеуетiн дамыту мақсатында ҚАУЛЫ ЕТЕМIН:

1. "Ақпараттық технологиялар паркi" арнайы экономикалық аймағын құру туралы" Қазақстан Республикасы Президентінің 2003 жылғы 18 тамыздағы № 1166 Жарлығына (Қазақстан Республикасының ПYАЖ-ы, 2003 ж., № 33, 322-құжат) мынадай өзгерістер мен толықтырулар енгiзiлсін:

жоғарыда аталған Жарлықпен бекітілген "Ақпараттық технологиялар паркi" арнайы экономикалық аймағы туралы ережеде:

1-тармақтың екiншi абзацындағы "340" деген сандар "342,8544" деген сандармен ауыстырылсын;

3-тармақ 7) тармақшадағы "болып табылады" деген сөздердiң алдынан ";" белгiсi қойылып, мынадай мазмұндағы 8), 9) және 10) тармақшалармен толықтырылсын: