Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тіршілігін қамтамасыз ету шарттары туралы келісімге өзгерістер мен толықтырулар енгізу туралы хаттама (Мәскеу қаласы 2006 жыл 4 сәуір)

Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ
полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары
туралы келісімге өзгерістер мен толықтырулар енгізу туралы
хаттама
(Мәскеу қ., 2006 жыл 4 сәуір)

2007 жылғы 21 шілдедегі № 285-ІІІ ҚР Заңымен ратификацияланды

Бұдан әрi Тараптар деп аталатын Қазақстан Республикасы мен Ресей Федерациясы,

Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келісімге (бұдан әрi - Келісім) мынадай өзгерістер мен толықтырулар енгізуге келiстi:

1. Кiрiспедегi:

үшiншi абзац алып тасталсын;

төртiншi абзац мынадай редакцияда жазылсын:

«Қазақстан Республикасы мен Ресей Федерациясы арасындағы 1994 жылғы 28 наурыздағы әскери ынтымақтастық туралы шартты, 1994 жылғы 28 наурыздағы Қазақстан Республикасы мен Ресей Федерациясы арасындағы әскери-техникалық ынтымақтастық туралы келісімдi басшылыққа ала отырып,».

2. 1-баптың екiншi абзацындағы «Жезқазған» деген сөз «Қарағанды» деген сөзбен ауыстырылсын.

3. 2-баптағы «Полигонның ӘШҚҚ-72 жөніндегі Шарттың 4-бабында айтылған және 1978 жылғы 1 қарашадағы Шартқа Келісілген мәлiмдемеде бекітілген» деген сөздер алып тасталсын.

4. 4-бап мынадай редакцияда жазылсын:

«1. Қазақстан Республикасы жалға беру шартымен жер учаскелерiн онда орналасқан Полигонның объектiлерiмен, жылжымалы және жылжымайтын мүлкiмен, сондай-ақ Приозерск қаласы жылжымалы және жылжымайтын мүлкiмен бірге Ресей Федерациясына уақытша пайдалануға бередi.

2. Ресей Федерациясы Сарышаған сынақ полигонын жалға беру туралы 1996 жылғы 18 қазандағы шартқа сәйкес жер учаскелерiн, олардың жалға берiлуi кезеңiнде Полигонның Ресей Федерациясы мүдделерiнде пайдаланылғаны үшiн ақы төлеудi жүзеге асырады.».

5. 7-баптың 1-тармағының екiншi сөйлемi мынадай редакцияда жазылсын: