30-ТТК түсіндірмесі Валюта есептілігі өлшем валютасынан ұсыну валютасына аударым

ТТК                            Түсіндірмелер жөніндегі

тұрақты комитет

________________________

30-ТТК
Түсіндірмесі
 
Валюта есептілігі өлшем валютасынан
ұсыну валютасына аударым

   1-«Қаржы есептілігін ұсыну» ХБЕС-ның 11-параграфына сәйкес «қаржы есептілігі қолданылатын әрбір стандарттың және Түсіндірмелер жөніндегі тұрақты комитеттің қолданылатын әрбір түсіндірмесінің барлық талаптарына сәйкес келмесе, Халықаралық бухгалтерлік есеп стандартына сәйкес келетін есептеме ретінде сипатталуға тиіс емес».  ТТК түсіндірмелері елеулі емес баптарға қолдануға арналмаған.   

   Сілтеме: 21-“Валюталардың айырбас бағамдары өзгеруінің әсері”ХБЕС және 29-“Гиперинфляциялық экономика жағдайларындағы қаржы есептілігі” ХБЕС.

МӘСЕЛЕ

1.      19-ТТК “Есептілік валютасы»21-ХБЕС-на және 29-ХБЕС-на сәйкес қаржы есептілігін өлшеу және ұсыну” өзінің қаржылық есептілігін қаржылық есептілікте өлшем (өлшем валютасы) үшін пайдаланылатын валютадан қаржылық есептілік ұсыну мақсатында басқа валютаға (ұсыну валютасына) қайта есептеу кезінде пайда болған сұрақтарға қатысты. 19-ТТК шетел валютасын қайта санау кезінде қолданылуы қажет әдістерді нақтыламайды, бірақ шетел валютасын қайта есептеу кезінде қолданылатын әдістің қаржылық есептіліктегі баптарды өлшеуге қатысты жүйесіз дайындалған ақпараттардың есептерде ұсынылуына әкеліп соқтырмауын талап етеді.

2.      19.15-ТТК тиісті өлшем валютасы ретінде ресей рублін пайдаланатын және есептілікке ақпарат ұсыну үшін өзінің қаржылық есептілігін басқа валютамен (мысалы, еуро) қайта есептейтін ресей кәсіпорнын мысалға ала отырып осы талапты нақтылайды. Бұл параграф ресей рублін еуроға қайта есептеу үшін қолданылатын әдістің, мысалы, өлшем валютасы ретінде ресей рублінің еуроға ауыстырылуына әкеліп соқтырмауға тиіс екендігін айқындайды.