«Нормативтік құқықтық актілер туралы» Қазақстан Республикасының Заңына норма шығару қызметін жетілдіру мәселелері бойынша өзгерістер мен толықтырулар енгізу туралы 2005 жылғы 21 қазандағы № 81-III Қазақстан Республикасының Заңы

Қазақстан Республикасының Заңы
 
«Нормативтiк құқықтық актiлер туралы» Қазақстан Республикасының Заңына
норма шығару қызметiн жетiлдiру мәселелерi бойынша өзгерістер мен толықтырулар
енгізу туралы

1-бап. "Нормативтiк құқықтық актiлер туралы" 1998 жылғы 24 наурыздағы Қазақстан Республикасының Заңына (Қазақстан Республикасы Парламентiнiң Жаршысы, 1998 ж., № 2-3, 25-құжат; 2001 ж., № 20, 258-құжат; 2002 ж., № 5, 50-құжат; 2004 ж., № 5, 29-құжат; № 13, 74-құжат) мынадай өзгерістер мен толықтырулар енгiзiлсiн:

1) 1-бапта:

12) тармақша 15) тармақша болып есептелiп, "ресми мәтiндерiн кейiннен жариялау" деген сөздер "мәтiндерiн кейiннен ресми жариялау" деген сөздермен ауыстырылсын;

мынадай мазмұндағы 12), 13), 14) тармақшалармен толықтырылсын:

"12) Қазақстан Республикасы нормативтiк құқықтық актілерінiң эталондық бақылау банкi - олар туралы мәлiметтер Қазақстан Республикасы нормативтiк құқықтық актілерінiң мемлекеттік тiзiлiмiне енгiзiлген нормативтiк құқықтық актiлердiң (өзгерістерi мен толықтыруларын қоса) қағазға басылған мәтiндерiнiң жиынтығы;

13) Қазақстан Республикасы нормативтiк құқықтық актілерінiң мемлекеттік тiзiлiмi - нормативтiк құқықтық актiлердiң реквизиттерiн және осы актiлер туралы ақпараттық-анықтамалық сипаттағы басқа да мәлiметтердi қамтитын Қазақстан Республикасының нормативтiк құқықтық актілері мемлекеттік есебiнiң бiрыңғай жүйесi;

14) нормативтiк құқықтық актiнi ресми жариялау - нормативтiк құқықтық актiнiң толық мәтiнiн ресми және мерзiмдiк баспа басылымдарында жалпы жұрттың назарына салу үшiн жариялау;";

2) 14-бапта:

1-тармақ мынадай мазмұндағы екiншi бөлiкпен толықтырылсын:

"Қазақстан Республикасы Парламентiнiң депутаттары заң жобасын дайындау жөніндегі жұмыс тобының жұмысына кез келген сатыда қатысуға құқылы.";

2-тармақ "қызметкерлер" деген сөзден кейiн ", қоғамдық бiрлестiктердiң өкiлдерi" деген сөздермен толықтырылсын;

3) 16-баптың 7) тармақшасындағы "күнiн" деген сөз "күнi мен нөмiрiн" деген сөздермен ауыстырылсын;

4) 17-баптың 9-тармағы мынадай редакцияда жазылсын:

"9. Нормативтiк құқықтық актiде пайдаланылатын терминдер мен анықтамаларды нақтылау қажет болған жағдайда оған олардың мәнi түсiндiрiлетiн бап берiледi. Мемлекеттік тiлдегi нормативтiк құқықтық актiде терминдер мен анықтамалар әлiпбилiк ретпен орналастырылады.

Нормативтiк құқықтық актiде пайдаланылатын терминдер мен анықтамалар жоғары деңгейде тұрған нормативтiк құқықтық актiде немесе қолданысқа бұрын енгiзiлген бiр деңгейдегi нормативтiк құқықтық актiде қолданылатын терминдер мен анықтамаларға сәйкес келуге тиiс.";

5) 21-баптың 2-тармағының екiншi бөлiгi "жағдайда" деген сөзден кейiн ", енгiзiлетiн өзгерістер мен толықтырулардың тиiстi негiздемесiмен" деген сөздермен толықтырылсын;

6) 28-бап мынадай мазмұндағы 5-тармақпен толықтырылсын:

"5. Нормативтiк құқықтық aктi мәтiнiнiң мазмұнына нормативтiк құқықтық актi мәтiнi мазмұнының жартысынан асатын көлемде өзгерістер мен толықтырулар енгiзiлген кезде, оның жаңа редакциясы қабылданады.";

7) 30-баптың 2-тармағында:

екiншi бөлiктегi "ресми мәтiндерiн кейiннен жариялауды" деген сөздер "мәтiндерiн кейiннен ресми жариялауды" деген сөздермен ауыстырылсын;

үшiншi бөлiктегi "жариялауды" деген сөздiң алдынан "ресми" деген сөзбен толықтырылсын;

8) 47-бап мынадай редакцияда жазылсын:

"47-бап. Нормативтiк құқықтық актiлердiң мемлекеттік есебi

1. Нормативтiк құқықтық актiлердiң мемлекеттік есебiн Қазақстан Республикасы Әдiлет министрлігі жүзеге асырады. Мемлекеттік есеп мұндай актiлердi орталықтандыра жинақтауды, Қазақстан Республикасы нормативтiк құқықтық актілерінiң мемлекеттік тiзiлiмiн, Қазақстан Республикасы нормативтiк құқықтық актілерінiң эталондық бақылау банкiн жүргiзудi қамтиды.

Қазақстан Республикасы Үкіметі Қазақстан Республикасы нормативтiк құқықтық актілерінiң мемлекеттік тiзiлiмiн, Қазақстан Республикасы нормативтiк құқықтық актілерінiң эталондық бақылау банкiн жүргiзу тәртібін айқындайды.

Мемлекеттік органдар Қазақстан Республикасы нормативтiк құқықтық актілерінiң мемлекеттік тiзiлiмiне енгізуге жататын нормативтiк құқықтық актiлердiң қағазға басылған және электронды түрдегi, мемлекеттік органның мөрiмен расталған немесе электрондық цифрлық қолтаңба арқылы куәландырылған көшiрмелерiн Қазақстан Республикасы Әдiлет министрлігіне жiбередi.

2. Қазақстан Республикасы Әдiлет министрлігі құқықтық ақпараттың бiрыңғай жүйесiн жасайды, министрлiктер мен басқа да орталық мемлекеттік органдарға анықтамалық-ақпараттық жұмыста көмек көрсетедi.".

2-бап. Осы Заң ресми жарияланған күнiнен бастап қолданысқа енгiзiледi.

Қазақстан Республикасының

Президентi

Н.Ә. Назарбаев

Астана, Ақорда, 2005 жылғы қазанның 21-і.

№ 81-III ҚРЗ