«Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер мен толықтырулар енгізу туралы » 2005 жылғы 15 желтоқсандағы № 101-III Қазақстан Республикасының Заңы

Қазақстан Республикасының Заңы

Қазақстан Республикасының кейбір заңнамалық актілеріне әлеуметтік

қамсыздандыру мәселелері бойынша өзгерістер мен толықтырулар енгізу туралы

1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:

1. "Қазақстан Республикасында мүгедектігі бойынша, асыраушысынан айырылу жағдайы бойынша және жасына байланысты берілетін мемлекеттік әлеуметтік жәрдемақылар туралы" 1997 жылғы 16 маусымдағы Қазақстан Республикасының Заңына (Қазақстан Республикасы Парламентінің Жаршысы, 1997 ж., № 11, 154-құжат; 1999 ж., № 8, 239-құжат; № 23, 925-құжат; 2002 ж., № 6, 71-құжат; 2003 ж., № 1-2, 13-құжат; 2004 ж., № 24, 157-құжат):

1) 1-баптың 4-тармағы мынадай редакцияда жазылсын:

"4. Мемлекеттік базалық әлеуметтік жәрдемақылар (бұдан әрі - жәрдемақылар) - бюджет қаражаты есебінен жүзеге асырылатын, азаматтарға мүгедектік туындаған, асыраушысынан айырылған кезде және жасына байланысты берілетін ай сайынғы ақшалай төлемдер.";

2) 12-бапта:

1-тармақта:

екінші абзац мынадай редакцияда жазылсын:

"бірінші топтағы мүгедектерге тиісті қаржы жылына арналған республикалық бюджет туралы заңда белгіленетін 1,36 ең төмен күнкөріс деңгейі (бұдан әрі - ең төмен күнкөріс деңгейі);";

үшінші абзацтағы "7,5 айлық есептік көрсеткіш" деген сөздер "1,06 ең төмен күнкөріс деңгейі" деген сөздермен ауыстырылсын;

төртінші абзацтағы "5 айлық есептік көрсеткіш" деген сөздер "0,74 ең төмен күнкөріс деңгейі" деген сөздермен ауыстырылсын;

бесінші абзацтағы "7 айлық есептік көрсеткіш" деген сөздер "1,00 ең төмен күнкөріс деңгейі" деген сөздермен ауыстырылсын;

алтыншы абзацтағы "10 айлық есептік көрсеткіш" деген сөздер "1,36 ең төмен күнкөріс деңгейі" деген сөздермен ауыстырылсын;

жетінші абзацтағы "8 айлық есептік көрсеткіш" деген сөздер "1,11 ең төмен күнкөріс деңгейі" деген сөздермен ауыстырылсын;