«Қазақстан Республикасы Үкіметінің 2005 жылғы 26 мамырдағы № 511 қаулысын іске асыру жөніндегі кейбір шаралар туралы» Қазақстан Республикасы Білім және ғылым министрінің 2005 жылғы 2 желтоқсандағы № 745 бұйрығы (2007.23.05. берілген өзгерістер мен толықтыруларымен) (күші жойылды)

Қазақстан Республикасы Үкіметінің 2005 жылғы 26 мамырдағы № 511 қаулысын іске асыру жөніндегі кейбір шаралар туралы
Қазақстан Республикасы Білім және  ғылым министрінің 2005 жылғы 2 желтоқсандағы № 745 бұйрығы

(2007.23.05. берілген өзгерістер мен толықтыруларымен)

ҚР Білім және ғылым министрінің 2008 жылғы 19 қыркүйектегі № 521 Бұйрығымен; ҚР Білім және ғылым министрінің 2015 жылғы 11 маусымдағы № 375 бұйрығымен күші жойылды

«Қазақстан Республикасы Президентінің «Болашақ» халықаралық стипендиясын тағайындау үшін үміткерлерді іріктеу ережелерін бекіту туралы» Қазақстан Республикасы Үкіметінің 2005 жылғы 26 мамырдағы № 511 қаулысын іске асыру мақсатында, шетелдік жоғары оқу орындары және шетелдік серіктестер ұсынған құжаттардың негізінде БҰЙЫРАМЫН:

1. 1-10-қосымшаларға сәйкес елдер бөлінісінде Қазақстан Республикасы Президентінің «Болашақ» халықаралық стипендиясының мөлшерін анықтау үшін шығыстар нормасы бекітілсін.

2. Білім беруді дамыту стратегиясы және халықаралық ынтымақтастық департаменті (Ә.Қ. Айтқалиев) «Халықаралық бағдарламалар орталығы» АҚ-пен (Ә.Х. Бралиев) бірлесіп, келесі қаржы жылының республикалық бюджетінің жобасын әзірлеген кезде белгіленген шығыстар нормаларын түзетуді қамтамасыз ету бойынша шаралар қабылдасын.

3. Білім беруді дамыту стратегиясы және халықаралық ынтымақтастық департаменті (Ә.Қ. Айтқалиев) осы бұйрықты белгіленген тәртіппен мемлекеттік тіркеуден өткізсін.

4. Осы бұйрық алғаш рет ресми жарияланғаннан кейін он күнтізбелік күн өткен соң қолданысқа енгізіледі.

5. Осы бұйрықтың орындалуын бақылауды өзіме қалдырамын.

Қазақстан Республикасы

Білім және ғылым министрінің

2005 жылғы 2 желтоқсандағы

№ 745 бұйрығына 1-қосымша

ҚР Білім және ғылым министрінің 2006.30.06. № 358 (бұр.ред.қара); 2007.23.05. № 266 (бұр.ред.қара) Бұйрықтарымен 1-қосымша өзгертілді   

Қазақстан Республикасы Президентінің «Болашақ»

халықаралық стипендиясының стипендиатын оқытуға

жұмсалатын шығыстардың нормалары