«Қазақстан Республикасы Yкіметінің 2001 жылғы 19 желтоқсандағы № 1660 қаулысына өзгерістер енгізу туралы» Қазақстан Республикасы Үкіметінің 2005 жылғы 30 желтоқсандағы № 1324 Қаулысы (күші жойылды)

«Қазақстан Республикасы Yкіметінің 2001 жылғы 19 желтоқсандағы
№ 1660 қаулысына өзгерістер енгізу туралы»
Қазақстан Республикасы Үкіметінің 2005 жылғы 30 желтоқсандағы № 1324 Қаулысы

ҚР Үкіметінің 2008 жылғы 31 желтоқсандағы  № 1332 қаулысымен күші жойылды

Қазақстан Республикасының Үкіметі қаулы етедi:

1. "Заңды тұлғаларды мемлекеттік тіркеу үшін алым төлеу ставкаларын бекіту туралы" Қазақстан Республикасы Үкіметінің 2001 жылғы 19 желтоқсандағы № 1660 қаулысына (Қазақстан Республикасының ПҮКЖ-ы, 2001 ж., № 47, 559-құжат) мынадай өзгерістер енгізілсін:

көрсетілген қаулымен бекітілген заңды тұлғаларды мемлекеттік тіркеу үшін алым төлеу ставкасындағы 1, 2, 3 және 4-тармақтар мынадай редакцияда жазылсын:

"1. Заңды тұлғаларды, олардың филиалдары мен өкілдіктерін құру мен олардың қызметін тоқтатуды мемлекеттік (есептік) тіркеу (соның ішінде заңнамада көзделген жағдайларда қайта ұйымдастыру кезінде), қайта тіркеу кезінде заңды тұлғаларды мемлекеттік тіркеу үшін алым төлеу ставкалары:

1) заңды тұлғалардан, олардың филиалдары мен өкілдіктерінен осы тармақтың 2), 3) тармақшаларында, сондай-ақ 2 және 3-тармақтарында көрсетілгендерді қоспағанда, 7600 теңгені құрайды;

2) шағын кәсіпкерлік субъектілері болып табылатын заңды тұлғалардан, олардың филиалдары мен өкілдіктерінен 2280 теңгені құрайды;

3) саяси партиялардан, олардың филиалдары мен өкілдіктерінен 15960 теңгені құрайды.