«Қазақстан Республикасы Еңбек және халықты әлеуметтік қорғау Министрінің «Мүгедекті оңалтудың жеке бағдарламасын әзірлеу ережесін бекіту туралы» 2004 жылы 7 желтоқсандағы № 286-ө бұйрығына өзгерістер мен толықтыру енгізу туралы» Қазақстан Республикасы Еңбек және халықты әлеуметтік қорғау министрінің 2006 жылғы 9 қаңтардағы № 3-ө Бұйрығы (күші жойылды)

Қазақстан Республикасы Еңбек және халықты әлеуметтік қорғау Министрінің
«Мүгедекті оңалтудың жеке бағдарламасын әзірлеу ережесін бекіту туралы»
2004 жылы 7 желтоқсандағы № 286-ө бұйрығына өзгерістер мен толықтыру енгізу туралы
Қазақстан Республикасы Еңбек және халықты әлеуметтік қорғау министрінің 2006 жылғы 9 қаңтардағы № 3-ө Бұйрығы

ҚР Еңбек және халықты әлеуметтік қорғау министрінің 2011 жылғы 18 сәуірдегі № 132-ө бұйрығымен күші жойылды

«Қазақстан Республикасында мүгедектерді әлеуметтік қорғау туралы» Қазақстан Республикасы Заңының 13-бабының 3-тармағын іске асыру мақсатында БҰЙЫРАМЫН:

1. Қазақстан Республикасы Еңбек және халықты әлеуметтік қорғау министрлігінің «Мүгедекті оңалтудың жеке бағдарламасын әзірлеу ережесін бекіту туралы» (Нормативтік құқықтық актілерді мемлекеттік тіркеу тізілімінде № 3317 болып тіркелген) 2004 жылғы 7 желтоқсандағы № 286-ө бұйрығына мынадай өзгерістер мен толықтыру енгізілсін:

көрсетілген бұйрықпен бекітілген Мүгедекті оңалтудың жеке бағдарламасын әзірлеу ережесінде (бұдан әрі - Ереже):

3-тармақтағы «15 күн ішінде» деген сөздер «бір ай ішінде» деген сөздермен ауыстырылсын;

5-тармақтағы 1), 2), 3), 4) тармақшалар мынадай редакцияда жазылсын:

«1) мүгедекті оңалтудың жеке бағдарламасы (ОЖБ) (1-қосымша);

2) оңалтудың медициналық бөлігі (2-қосымша);

3) оңалтудың әлеуметтік бөлігі (3-қосымша);

4) оңалтудың кәсіби бөлігі (4-қосымша)».

6-тармақтағы «карточкасында» деген сөз «бағдарламасында» деген сөзбен ауыстырылсын.

7-тармақтағы:

бірінші абзацтағы «Мүгедекті медициналық, әлеуметтік және кәсіби оңалту жөніндегі карталар» деген сөздер «Мүгедектің ОЖБ медициналық, әлеуметтік және кәсіби бөліктері» деген сөздермен ауыстырылсын;

екінші абзац мынадай редакцияда жазылсын:

«Оңалтудың медициналық, әлеуметтік және кәсіби бөліктерінің тіркеу нөмірлері мүгедекті оңалтудың жеке бағдарламасының тіркеу нөміріне сәйкес келуі тиіс.»;

бесінші абзац мынадай редакцияда жазылсын: