Тәуелсіз Мемлекеттер Достастығына қатысушы мемлекеттердің Гуманитарлық ынтымақтастығы туралы КЕЛІСІМ (Қазан қ. 2005 ж. 26 тамыз)

Тәуелсіз Мемлекеттер Достастығына қатысушы мемлекеттердің
Гуманитарлық ынтымақтастығы туралы
КЕЛІСІМ
(Қазан қ. 2005 ж. 26 тамыз)

Келісімді бекіту туралы ҚР Президенті Жарлығының жобасы ҚР Үкіметінің 2006.04.05. № 365 Қаулысымен ҚР Президентінің қарауына енгізілді

Бұдан әрі Тараптар деп аталатын Тәуелсіз Мемлекеттер Достастығына қатысушы мемлекеттер,

бірлескен күшпен Достастық елдерінің экономикалық және әлеуметтік өркендеуін, азаматтық бейбітшілік пен ұлтаралық келісімді қамтамасыз етуге ұмтылуға ниет білдіре отырып,

Достастық елдері халықтарының дәстүрлі байланыстарын ескере отырып, мәдениет, білім беру, ғылым, ақпарат және бұқаралық коммуникациялар, спорт, туризм және жастармен жұмыс салаларындағы ынтымақтастықтың негізінде олардың дамуы мен нығаю маңыздылығын түсіне отырып,

гуманистік құндылықтарды бекіту экстремизм мен төзімсіздіктің өзге де көріністерінің түп-тамырымен құруына ықпал ететінін назарға ала отырып,

халықаралық құқықтың жалпы танылған қағидаттары мен нормаларын, Тәуелсіз Мемлекеттер Достастығының негізін қалаушы құжаттарды және Достастық шеңберінде мәдениет, білім беру, ғылым, ақпарат және бұқаралық коммуникациялар, спорт, туризм және жастармен жұмыс салаларында қабылданған өзге де шарттарды басшылыққа ала отырып,

мына төмендегі туралы келісті:

1-бап

Тараптар гуманитарлық ынтымақтастықты одан әрі дамыту үшін келісілген шаралар қабылдайды және осы мақсатта:

осы Келісімде айтылған міндеттерді іске асыруға өзара әрекет етеді;

мәдениет, білім беру, ғылым, мұрағат ісі, ақпарат және бұқаралық коммуникациялар, спорт, туризм және жастармен жұмыс салаларындағы ынтымақтастықтың тетіктерін жетілдіреді және дамытады;

көрсетілген салаларда өзара іс-қимыл мәселелері жөнінде нормативтік құқықтық базаны әзірлейді және жетілдіреді.

2-бап

Тараптар ұлттық мәдениетті өзара байыту үшін ең жоғарғы қолайлы жағдайлар жасау мақсатында: