«Қазақстан Республикасы Президентінің кейбір жарлықтарына өзгерістер мен толықтырулар енгізу туралы» Қазақстан Республикасы Президентінің 2006 жылғы 6 маусымдағы № 131 Жарлығы (2018.05.05. берілген өзгерістерімен) (күші жойылды)

Қазақстан Республикасы Президентінің
Жарлығы
 
Қазақстан Республикасы Президентінің кейбір жарлықтарына өзгерістер мен толықтырулар енгізу туралы

(2018.05.05. берілген өзгерістерімен)

ҚР Президентінің 2019 жылғы 12 ақпандағы № 838 Жарлығымен күші жойылды

Қазақстан Республикасының Конституциясы 44-бабының  20) тармақшасына және «Мемлекеттік қызмет туралы» Қазақстан Республикасының Заңына сәйкес ҚАУЛЫ ЕТЕМІН:

1. Қазақстан Республикасы Президентінің кейбір жарлықтарына мынадай өзгерістер мен толықтырулар енгізілсін:

1) «Қазақстан Республикасының Қауіпсіздік Кеңесі туралы» Қазақстан Республикасы Президентінің 1999 жылғы 20 наурыздағы № 88 Жарлығына (Қазақстан Республикасының ПYАЖ-ы, 2002 ж., № 32, 339-құжат; 2003 ж., № 40, 417-құжат):

1-қосымшада:

3-тармақтың 2) тармақшасында «Қазақстан Республикасының Ұлттық қауіпсіздігі тұжырымдамасын,» деген сөздер алып тасталсын;

4-тармақта:

мынадай мазмұндағы 1-1), 2-1), 3-1), 3-2), 8-1) тармақшалармен толықтырылсын:

«1-1) елдің дамуындағы аса маңызды бағыттар бойынша стратегиялық құжаттардың мазмұнын қарау және бағалау;»;

«2-1) елеулі әлеуметтік-саяси, экономикалық, әскери, экологиялық және өзге де салдарлармен байланысты дағдарысты жағдайлардың алдын алу жөніндегі жедел шешімдерді, соның ішінде жер қойнауын пайдалану мәселелері жөніндегі ұсынымдарды дайындау;»;

«3-1) Бас прокуратураның, Ұлттық қауіпсіздік комитетінің, Экономикалық қылмысқа және сыбайлас жемқорлыққа қарсы күрес агенттігінің, Сыртқы істер, Қорғаныс, Ішкі істер, Төтенше жағдайлар, Әділет министрліктерінің, Қаржы министрлігі Кедендік бақылау комитетінің бірінші басшылары лауазымына тағайындауға ұсынылатын кандидатураларды талқылау;

3-2) ұлттық қауіпсіздікті қамтамасыз етуге қатысатын мемлекеттік органдар басшыларының есептерін тыңдау;»;

«8-1) жеке адамның, қоғам мен мемлекеттің қауіпсіздігін қамтамасыз ету саласында ғылыми зерттеулерді ұйымдастыру;»;

3) тармақшада:

«үйлестіру» деген сөзден кейін «, талдау, мониторинг жасау» деген сөздермен толықтырылсын;