«Қылмыстық істер бойынша дәлелдемелерді бағалаудың кейбір мәселелері туралы» Қазақстан Республикасы Жоғарғы Сотының 2006 жылғы 20 сәуірдегі № 4 Нормативтік қаулысы (2023.16.01. берілген өзгерістер мен толықтыруларымен)

Қылмыстық істер бойынша дәлелдемелерді бағалаудың кейбір мәселелері туралы
Қазақстан Республикасы Жоғарғы Сотының 2006 жылғы 20 сәуірдегі № 4 Нормативтік қаулысы

(2023.16.01. берілген өзгерістер мен толықтыруларымен)

ҚР Жоғарғы Сотының 2017.31.03. № 3 Нормативтік қаулысымен бүкіл мәтін бойынша «іс жүргізу кодексінің», «іс жүргізу міндеттерін», «іс жүргізу заңын», «іс жүргізуге қатысушыларға», «іс жүргізу заңының», «іс жүргізу әрекеті», «іс жүргізу әрекеттерінің», «іс жүргізуге қатысушылармен», «іс жүргізу іс-әрекеттерін», «іс жүргізу заңы», «іс жүргізу іс-әрекеттерін», деген сөздер тиісінше «процестік кодексінің», «процестік міндеттерін», «процестік заңды», «процеске қатысушыларға», «процестік заңының», «процестік әрекеті», «процестік әрекеттердің», «процеске қатысушылармен», «процестік әрекеттерді», «процестік заңы», «процестік әрекеттерді» деген сөздермен ауыстырылды, «ҚІЖК-нің» деген сөз «ҚПК-нің» деген сөзбен ауыстырылды, «сезіктінің», «сезікті» деген сөздер тиісінше «күдіктінің», «күдікті» деген сөздермен ауыстырылды (бұр.ред.қара)

Қылмыстық істер бойынша дәлелдемелерді бағалау бойынша қылмыстық процестік заңды біркелкі қолдану мақсатында Қазақстан Республикасы Жоғарғы Сотының жалпы отырысы қаулы етеді:

ҚР Жоғарғы Сотының 2017.31.03. № 3 Нормативтік қаулысымен 1-тармақ өзгертілді (бұр.ред.қара)

1. Қылмыстық істер бойынша дәлелдемелерді бағалау кезінде қылмыстық процесті жүргізетін орган Қазақстан Республикасының Конституциясы мен және Қазақстан Республикасы Қылмыстық процестік кодексінің (бұдан әрі - ҚПК) нормаларымен белгіленген принциптерді қатаң сақтауға міндетті.

Қылмыстық процесс принциптерін бұзу, олардың сипаты мен мәніне қарай, ҚПК-нің  9-бабында көрсетілген салдарға әкеп соқтырады.

Мұндай жағдайларда сот үкімде (қаулыда) бұзылған принциптің сипаты мен мәнін ашып көрсетуі тиіс.

ҚР Жоғарғы Сотының 2017.31.03. № 3 Нормативтік қаулысымен 2-тармақ өзгертілді (бұр.ред.қара)