«Электр желілерін басқару жөніндегі Қазақстан компаниясы» «KEGOC» (Kazakhstan Electrіcіty Grіd Operatіng Company) акционерлік қоғамын дамытудың 2006 - 2008 жылдарға арналған жоспарын бекіту туралы Қазақстан Республикасы Үкіметінің 2006 жылғы 20 маусымдағы № 562 Қаулысы

«Электр желілерін басқару жөніндегі Қазақстан компаниясы» «KEGOC»
(Kazakhstan Electricity Grid Operating Company) акционерлік қоғамын дамытудың
2006 - 2008 жылдарға арналған жоспарын бекіту туралы
Қазақстан Республикасы Үкіметінің 2006 жылғы 20 маусымдағы № 562 Қаулысы

«Қазақстан Республикасының әлеуметтік-экономикалық дамуының орта мерзімді жоспарларын әзірлеудің ережесін бекіту туралы» Қазақстан Республикасы Үкіметінің 2002 жылғы 14 маусымдағы № 647 қаулысына сәйкес Қазақстан Республикасының Үкіметі қаулы етеді:

1. Қоса беріп отырған «Электр желілерін басқару жөніндегі Қазақстан компаниясы» «KEGOC» (Kazakhstan Electricity Grid Operating Company) акционерлік қоғамын дамытудың 2006 - 2008 жылдарға арналған жоспары бекітілсін.

2. Қазақстан Республикасы Энергетика және минералдық ресурстар министрлігі «Электр желілерін басқару жөніндегі Қазақстан компаниясы» «KEGOC» (Kazakhstan Electricity Grid Operating Company) акционерлік қоғамымен бірлесіп, Қазақстан Республикасы Экономика және бюджеттік жоспарлау министрлігіне «Электр желілерін басқару жөніндегі Қазақстан компаниясы» «KEGOC» (Kazakhstan Electricity Grid Operating Company) акционерлік қоғамын дамыту жоспарының орындалу барысы туралы ақпаратты мына мерзімде:

1) бірінші тоқсанның, бірінші жарты жылдықтың және тоғыз ай ішіндегі қорытындылары бойынша - есепті кезеңнен кейінгі екінші айдың бірінші күнінен кешіктірмей;

2) жылдық - есепті кезеңнен кейінгі төртінші айдың бірінші күнінен кешіктірмей ұсынсын.