«Жергілікті бюджеттен қаржыландырылатын мемлекеттік органдардың бір қызметкеріне арналған ағымдағы шығыстардың нормативі туралы» Алматы қаласы Әкімшілігінің 2004 жылғы 23 сәуірдегі № 2/363 қаулысы (2004.13.08. берілген өзгерістер мен толықтыруларымен) (күші жойылды)

«Жергілікті бюджеттен қаржыландырылатын мемлекеттік органдардың бір
қызметкеріне арналған ағымдағы шығыстардың нормативі туралы»
Алматы қаласы Әкімшілігінің 2004 жылғы 23 сәуірдегі № 2/363 қаулысы

(2004.13.08. берілген өзгерістер мен толықтыруларымен)

Алматы қаласы Әкімдігінің 2006.07.03. № 1/200 қаулысымен күші жойылды

Қазақстан Республикасының 2001 жылдың 6 желтоқсандағы «Қазақстан Республикасының «Бюджеттік жүйесі туралы» Заңына өзгерістер мен қосымшалар енгізу туралы» № 261-ІІ Заңының 12 бабының 2 тармағына және Қазақстан Республикасының 2001 жылдың 23 қаңтардағы «Қазақстан Республикасындағы жергілікті мемлекеттік басқару туралы» № 148-ІІ Заңына сәйкес, Алматы қаласының әкімшілігі, қаулы етті:

1. Бір қызметкердің ағымдағы шығыстарының 2004 жылға арналған нормативін анықтау үшін, Алматы қаласы бюджетінен қаржыландырылатын мемлекеттік органдардың тізбесі 1 қосымшаға сай бекітілсін.

2. Алматы қаласының 2004 жылғы бюджетінен қаржыландырылатын, мемлекеттік органдардың бір қызметкерінің нормативіне жататын, ағымдағы шығыстардың тізбесі 2 қосымшаға сай бекітілсін.

3. Алматы қаласының 2004 жылғы бюджетінен қаржыландырылатын, мемлекеттік органдардың бір қызметкеріне арналған ағымдағы шығыстардың нормативі 3 қосымшаға сай бекітілсін.

4. Әділет Басқармасында 2003 жылдың сәуір айының 8-інде 524-ші нөмірмен тіркелген, «Алматы Ақшамы», «Вечерний Алматы» газеттерінде жарияланған Алматы қаласы әкімшілігінің 2003 жылдың сәуір айының 3-індегі «Жергілікті бюджеттен қаржыландыратын мемлекеттік органдардың бір қызметкеріне арналған ағымдағы шығыстардың нормативі туралы» № 1/194-ші қаулысы өз күшін жойды деп есептелсін.