«Қазақстан Республикасының Президенті Нұрсұлтан Назарбаевтың, Қырғыз Республикасының Президенті Құрманбек Бакиевтің, Тәжікстан Республикасының Президенті Эмомали Рахмоновтың, Өзбекстан Республикасының Президенті Ислам Каримовтің бейресми кездесуін дайындау және өткізу туралы» Қазақстан Республикасы Премьер-Министрінің 2006 жылғы 29 тамыздағы № 253-ө Өкімі

«Қазақстан Республикасының Президенті Нұрсұлтан Назарбаевтың,
Қырғыз Республикасының Президенті Құрманбек Бакиевтің, Тәжікстан Республикасының
Президенті Эмомали Рахмоновтың, Өзбекстан Республикасының
Президенті Ислам Каримовтің бейресми кездесуін дайындау және өткізу туралы»
Қазақстан Республикасы Премьер-Министрінің 2006 жылғы 29 тамыздағы № 253-ө Өкімі

Өңірлік ынтымақтастықты нығайту және 2006 жылғы 1-4 қыркүйекте Астана қаласында Қазақстан Республикасының Президенті Нұрсұлтан Назарбаевтың, Қырғыз Республикасының Президенті Құрманбек Бакиевтің, Тәжікстан Республикасының Президенті Эмомали Рахмоновтың, Өзбекстан Республикасының Президенті Ислам Каримовтің бейресми кездесуін дайындау және өткізу жөніндегі протоколдық-ұйымдастыру іс-шараларын қамтамасыз ету мақсатында:

1. Қазақстан Республикасы Сыртқы істер министрлігі 2006 жылғы 1-4 қыркүйекте Астана қаласында Қазақстан Республикасының Президенті Нұрсұлтан Назарбаевтың, Қырғыз Республикасының Президенті Құрманбек Бакиевтің, Тәжікстан Республикасының Президенті Эмомали Рахмоновтың, Өзбекстан Республикасының Президенті Ислам Каримовтің бейресми кездесуін (бұдан әрі - кездесу) дайындау және өткізу жөніндегі протоколдық-ұйымдастыру іс-шараларын қамтамасыз етсін.

2. Қазақстан Республикасы Президентінің Іс басқармасы:

қосымшаға сәйкес Қырғыз Республикасы, Тәжікстан Республикасы, Өзбекстан Республикасы ресми делегацияларының (бұдан әрі - ресми делегацияларының) мүшелеріне қызмет көрсету жөніндегі ұйымдастыру шараларын қабылдасын;

кездесуді Астана қаласында және Бурабай демалыс аймағында өткізуге арналған шығыстарды қаржыландыруды 2006 жылға арналған республикалық бюджетте 001 «Мемлекет басшысының, Премьер-Министрдің және мемлекеттік органдардың басқа да лауазымды адамдарының қызметін қамтамасыз ету» және 003 «Республикалық деңгейде халықтың санитарлық-эпидемиологиялық салауаттылығы» бағдарламалары бойынша көзделген қаражат есебінен қамтамасыз етсін.