«Қазақстан Республикасының ақпараттық қауіпсіздік тұжырымдамасы туралы» Қазақстан Республикасы Президентінің Жарлығы (2006 жыл 21 қыркүйек) (Жоба)

Қазақстан Республикасы Президентінің
Жарлығы
 
Қазақстан Республикасының ақпараттық қауіпсіздік
тұжырымдамасы туралы

ҚР Үкіметінің 2006 жылғы 21 қыркүйектегі № 894 Қаулысымен ҚР Президентінің қарауына енгізілді

Қазақстан Республикасының ақпараттық қауіпсіздігін қамтамасыз ету мақсатында ҚАУЛЫ ЕТЕМІН:

1. Қоса беріліп отырған Қазақстан Республикасының ақпараттық қауіпсіздік тұжырымдамасы мақұлдансын.

2. Қазақстан Республикасының мемлекеттік органдары мен ұйымдары өз қызметінде осы Тұжырымдаманың ережелерін басшылыққа алсын.

3. Осы Жарлық қол қойылған күнінен бастап қолданысқа енгізіледі.

Қазақстан Республикасының

Президентi

Астана, Ақорда, 2006 жылғы

№

Қазақстан Республикасы

Президентінің

2006 жылғы «__» ______

№___ Жарлығымен

Мақұлданған

Қазақстан Республикасының ақпараттық қауіпсіздік

Тұжырымдамасы

Кіріспе

Ел Президентінің Қазақстан халқына 1997 жылғы «Қазақстан - 2030 Барлық Қазақстандықтардың өсіп-өркендеуі, қауіпсіздігі және әл-ауқатының артуы» Жолдауында ұзақ мерзімді басымдық ретінде ұлттық қауіпсіздік айқындалды, оның элементтерінің бірі ақпараттық қауіпсіздік болып табылады.

Қоғам мен мемлекеттің әлеуметтік-экономикалық және мәдени өміріндегі ақпараттық технологиялардың маңызды ролі ақпараттық қауіпсіздік мәселелерін шешуге жоғары талаптар қояды.