Қазақстан Республикасы мен Халықаралық Қайта Құру және Даму Банкі арасындағы «Сырдария өзенінің арнасын реттеу және Арал теңізінің солтүстік бөлігін сақтау (2-кезең)» келісім-хат (2006 жыл 17 шілде)

Қазақстан Республикасы мен Халықаралық Қайта Құру және Даму Банкі арасындағы
«Сырдария өзенінің арнасын реттеу және Арал теңізінің солтүстік бөлігін сақтау (2-кезең)»
келісім-хат
(2006 жыл 17 шілде)

ҚР Президентінің 2006 жылғы 9 қазандағы № 195 Жарлығымен жобасы мақұлданды

The World Bank - Central Asia Regional Office

INTERNATIONAL BANK FOR RECONSTRUCTION AND DEVELOPMENT

INTERNATI0NAL DEVELOPMENT ASSOCIATION

Қазақстан Республикасының Ауыл шаруашылығы министрi

А.С.Есімов мырзаға

Ауыл шаруашылығы министрлігi

Қазақстан Республикасы

010000, Астана қаласы

Абай даңғылы, 25-үй

«Сырдария өзенінің арнасын реттеу және Арал теңізінің солтүстік бөлігін сақтау (2-кезең)»

жобасын дайындауға бөлінетін PHRD гранты Грант N TF056573

Құрметті Есімов мырза:

Халықаралық Қайта Құру және Даму Банкінің (бұдан әрі - банк) атынан Жапония Үкіметі ұсынған грант қаражатының әкімшісі ретінде осы арқылы Қазақстан Республикасына (бұдан әрі - алушы) сегіз жүз мың (800 000) АҚШ долларынан аспайтын мөлшердегі гранттың (бұдан әрі - грант) бөлінгеніне Банктің келіскенін білдіремін.

Грант алушының мақсаттарға қаржылай жәрдем көрсету туралы сұрау салуына жауап ретінде және осы келісім-хатқа (бұдан әрі - келісім-хат) 1 және 2-қосымшаларда көрсетілген немесе оларға сілтемелер жасалған ережелер мен шарттарға сәйкес бөлініп отыр. 1-қосымша 2-қосымшамен бірге қаралуы тиіс. Осы келісім-хатқа 2-қосымша грант бойынша жалпы ережелер мен шарттарды белгілейді, ал осы келісім-хатқа 1-қосымша көрсетілген ережелер мен шарттардың осы грантқа нақты қолданылуын айқындайды. Алушы көрсетілген ережелер мен шарттарға сәйкес келісім жасасуға және көрсетілген мақсаттар үшін грант қаражатын алуға уәкілетті екендігін мәлімдейді, осыны төмендегі келісімімен растайды.