Жоғарғы қабаттағы көздерден су ресурстарын пайдаланғаны үшін төлемнің ағымдағы төлемдер сомасының есебін жасау ережесі (861.00-нысан) (ҚР Қаржы министрлігінің Салық комитеті Төрағасының 2006.13.12. № 637 бұйрығымен бекітілген) (күші жойылды)

ҚР  Қаржы министрлігі  2007 жылғы 19 желтоқсандағы  № 468  бұйрығымен  2008 ж. 1 қаңтардан   бастап күші жойылды

Қазақстан Республикасы

Қаржы министрлігінің

Салық комитеті Төрағасының

2006 жылғы 13 желтоқсандағы

№ 637 бұйрығымен бекітілген

Жоғарғы қабаттағы көздерден су ресурстарын
пайдаланғаны үшін төлемнің ағымдағы төлемдер
сомасының есебін жасау ережесі
(861.00-нысан)
 
1. Жалпы ережелер

1. Осы Ережелер Қазақстан Республикасының “Салық және бюджетке төленетін басқа да міндетті төлемдер туралы” Кодексіне (Салық кодексі) сәйкес әзірленген және қоса беріліп отырған нысандарды қоса (бұдан әрі - нысандар), жоғарғы қабаттағы көздерден су ресурстарын пайдаланғаны үшін төлемнің ағымдағы төлемдер сомасының есебін жасау тәртібін қарастырады:

1) жоғарғы қабаттағы көздерден су ресурстарын пайдаланғаны үшін 861.00 нысаны бойынша ағымды төлемдер төлеу сомаларының есебі (бұдан әрі - 861.00 нысаны бойынша есеп);

2) жоғарғы қабаттағы көздерден су ресурстарын пайдаланғаны үшін 861.01-нысаны бойынша ағымды төлемдер төлеу сомаларының есебіне қосымша (бұдан әрі - 861.01-нысаны бойынша қосымша) немесе 861.02-нысаны бойынша (бұдан әрі - 861.01-нысаны бойынша қосымша).

2. 861.00 нысаны бойынша есеп жоғарғы қабаттағы көздерден су ресурстарын пайдаланғаны үшін ағымды төлемдер төлеу сомаларының есебіне арналған .

861.01-нысаны немесе 861.02-нысаны бойынша қосымша жоғарғы қабаттағы көздерден су ресурстарын пайдаланғаны үшін арнайы су пайдаланудың әр түрі бойынша ағымды төлемдер төлеу сомаларының есебін айқындауға арналған.

861.01-нысаны бойынша қосымша төлеушілермен (шаруа (фермерлік) қожалықтары үшін және ауыл шаруашылығы өнімдерін өндіруші заңды тұлғалар үшін арнаулы салық режимдерін қолданатын салық төлеушілерден басқа) толтырылады.

861.02-нысаны бойынша қосымшаны шаруа (фермерлік) қожалықтары үшін және ауыл шаруашылығы өнімдерін өндіруші заңды тұлғалар үшін арнаулы салық режимдерін қолданатын салық төлеушілері толтырады.